Knijevskii qoimasyndaǵy aqaý: Aqqan sý deńgeii tómendedi

Almaty oblysyndaǵy Knijevskii qoimasynan aqqan sý deńgeii tómendedi. Bul jaiynda Jambyl aýdandyq tótenshe jaǵdailar bóliminiń bastyǵy, azamattyq qorǵanys podpolkovnigi Aibek Janaev málim etti, dep habarlaidy QazAqparat.

«22 qarasha kúni saǵat 7:30-da Jambyl aýdanynda, Myńbaev aýdanyna taqaý mańdaǵy Knijevskii sý qoimasynan aqqan sýdyń deńgeii tómendedi. Sý eni 4 metr bolatyn jyryq arqyly aǵyp jatyr. Aǵyp jatqan sýdyń kólemi 5-6 tekshe metrdi quraidy. Sonymen qatar oblystyq joldan tereńdigi 5 santimetr , al endi 30 metr kóleminde asyp tógilýde. Zardap shekkender men qaza tapqandar joq. Qurylys nysandaryna da eshqandai qater baiqalmaidy. Ahýal turaqty, sý tómendep, baiaý aǵyp jatyr», - dedi Aibek Janaev. 

Eske salsaq, buǵan deiin Almaty oblysy Jambyl aýdany Myńbaev aýylynyń mańynda Knijevskogo sý qoimasy bógetinde jaryq paida bolǵany týraly habarlaǵan bolatynbyz.