Qazaqstan musylmandary dini basqarmasy 31 shilde, iaǵni qasietti Qurban aittyń birinshi kúninde elimiz boiynsha qurban shalý rásimine qatysty uiymdastyrý-úilestirý jumystary joǵary deńgeide ótkenin habarlaidy. Úilestirý jumystaryna bekitilgen azamattar arasynda sanitarlyq talaptardyń saqtalýy qatań qadaǵalandy.
WWW.QURBAN2020.KZ jobasyn júzege asyrý maqsatynda arnaiy qurylǵan jumys toby kúsheitilgen rejimde qyzmet etti. Nátijesinde jumystyń basym bóligi oryndaldy. Atap aitqanda, qurban shalýǵa tapsyrys berýshilerdiń ótinishterin 13 ókildik tolyq oryndady. Qalǵan 6 ókildik (Nur-Sultan qalasy, Almaty qalasy men Aqtóbe, Atyraý, Qyzylorda, Qostanai oblysy) jumysyn júieli túrde jalǵastyrýda. Atqarylǵan is-sharalardyń foto, video esebi tapsyrys berýshilerge der kezinde joldanýda.
Qazaqstan musylmandary dini basqarmasy qazirgi ýaqytqa deiin 30 715 otbasyǵa qurbandyq etin jetkizdi. Sonymen qatar, qurbandyq eti qarttar, jetimder, balalar úileri men aýrýhanalarǵa taratyldy. Merekelik qýanyshqa bólengen jandar alǵystaryn aityp, rizashylyq sezimderin bildirýde. Sondai-aq, WWW.QURBAN2020.KZ qaiyrymdylyq jobasy aiasynda qurban shalýǵa tapsyrys bergen azamattar tarapynan da telefon, áleýmettik jeli, ýatsap arqyly oń pikirler kelip túsýde.
Qurban aittaǵy qaiyrymdylyq sharalar boiynsha 7 143 muqtaj janǵa et taratqan Jambyl oblysy kósh bastap tur. Al QMDB-nyń Almaty aimaǵy boiynsha ókildigi 4 182 otbasyǵa merekelik qýanysh syilady. Taldyqorǵan aimaǵy 2 789 muqtaj janǵa qurbandyq etin úlestirdi. Sondai-aq Qaraǵandy oblysy - 2 191, Shyǵys Qazaqstan oblysy - 2 071, Pavlodar oblysy - 1 910, Nur-Sultan qalasy - 1 421, Túrkistan oblysy - 1 406, Almaty qalasy 1 120 otbasyn qamtydy.
Osy rette Qazaqstan musylmandary dini basqarmasynyń qaiyrymdylyq baǵytta qolǵa alǵan www.qurban2020.kz jobasyna belsendi túrde atsalysyp, muqtajdyń muńyn bólisip, saýapqa úles qosqan barsha azamatqa, sondai-aq jekelegen kásiporyndar men uiymdardyń basshylaryna airyqsha alǵys aitamyz.
Alla Taǵala jasaǵan qaiyrymdylyqtyń qaiyryn ózderińizge eselep qaitarsyn dep tileimiz.
