Foto: QMA
Qarjylyq monitoring agenttigi «Kezbi» kompaniiasyn qarajatty jymqyrý jáne salyq tólemeý faktisi boiynsha sotqa deiingi tergep-tekserýdi tirkedi, dep habarlaidy agenttiktiń baspasóz qyzmeti.
«QMA Mańǵystaý oblysy boiynsha departamenti «Kezbi» JShS atqarýshy direktory Erjan Kezbaevqa qatysty QK 190-babynyń 4-bóligi 2-tarmaǵy (asa iri mólsherdegi alaiaqtyq) boiynsha qylmystyq is qozǵady», — delingen habarlamada.
Ol kompaniia qyzmetkerlerine jalaqy tóleý úshin «Ózenmunaigaz» AQ bólgen 321 mln teńgeni jymqyryp, sondai-aq 1,5 mlrd teńgege jýyq somaǵa salyq tóleýden jaltardy degen kúdikke ilinip otyr.
«2021 jyly «Kezbi» JShS «Ózenmunaigaz» AQ-men brigada úshin saǵatyna 65 myń teńge baǵamen qyzmet kórsetý sharttar jasasty. Keiinnen eńbekaqy men meditsinalyq járdemaqylardyń ósýin qosa alǵanda, jumysshylar úshin áleýmettik paketti jaqsartý maqsatynda qyzmet baǵasy brigada úshin saǵatyna 87 myń teńgege deiin ulǵaityldy. Alaida, qarajattyń edáýir bóligin, atap aitqanda 321 mln teńgeni kompaniia basshysy qyzmetkerler úshin áleýmettik jaǵdailardy jumsamai jymqyrǵan. 2024 jylǵy 3 qarashada kúdikti E.Kezbaev ustaldy. Qazirgi ýaqytta jasalǵan qylmystyń barlyq mán-jailaryn anyqtaýǵa baǵyttalǵan tergeý áreketteri júrgizilip jatyr», - delingen QMA habarlamasynda.
QR QPK 201-baby tártibindegi ózge de aqparat jariia etýge jatpaidy.
Buǵan deiin habarlanǵandai, QMA Qazaqstan shekarasynan aýyr preparattardy zańsyz ótkizbek bolǵandardy ustady.
