Foto: PROSPORT.KZ
Aptanyń basynan beri Qarjy monitoringi agenttigi sottalǵan oligarh Qairat Boranbaevtyń túrli aktivterin qaitarǵanyn habarlady. Jýrnalister Májilis kýlýarynda agenttik tóraǵasynyń jýyrda ǵana taǵaiyndalǵan orynbasary Dmitrii Malahovtan munyń nemen bailanysty ekenin surady, - dep habarlaidy Tengrinews.kz.
Ol Boranbaevtyń óz aktivterin osylaisha kezeńdep qaitarýyn júrgizilip jatqan júieli jumystyń nátijesi dep atady. Sonymen qatar Malahov sottalǵan kásipkerdiń memleketke qaitaratyny áli bar ekenin aitty. Budan keiin "Boranbaevtyń jazasy jeńildei me" degen suraqqa Malahov bul sottyń quzyreti ekenin jetkizdi.
Sondai-aq, QMA tóraǵasy orynbasarynan basqa oligarhtardan aktivterdi qaitarý qashan júrgiziletinin jáne zańsyz alynǵan aktivterdi qaitarý esebinde Boranbaevtan basqa kimder turǵany suraldy.
"QMA jumysynyń ereksheligine bailanysty bul adamdar bizge belgili, sondai-aq olardyń ieligindegi, sonyń ishinde sheteldegi múlikteri de belgili. Belgili bir tulǵalar bar árbir qylmystyq is boiynsha jumys júrgizilip jatyr", - dedi Malahov qysqasha.
