Foto: inbusiness.kz
Qarjylyq monitoring agenttigi "Aziia-Avto" AQ kompaniialar tobynyń negizin qalaýshy Anatolii Balýshkindi ashyq túrde tergeýge shaqyrdy, - dep habarlaidy "Ult aqparat" vedomstvonyń baspasóz qyzmetine silteme jasap.
"Qarjylyq monitoring agenttigi QR QPK normalaryna sáikes Qazaqstannan tys jerde júrgen jáne kelýden jaltaryp júrgen kúdikti 1970 jyly týǵan Anatolii Mihailovich Balýshkindi sotaldy tergeý organyna shaqyryp otyrǵany týraly habarlaidy.
Kúdikti Balýshkin 2023 jylǵy 10 aqpanda saǵat 17:00-ge deiin tergeý amaldaryn júrgizý úshin Óskemen qalasy, Novatorov kóshesi, 7/2 mekenjaiy boiynsha Shyǵys Qazaqstan oblysy boiynsha Ekonomikalyq tergep-tekserý departamentiniń ákimshilik ǵimaratyna kelýi qajet", - delingen habarlamada.
QMA málimetinshe, tergeý áreketterine qatysý úshin kúdikti Balýshkin A.M. qorǵaýshyny óz betinshe shaqyrýǵa nemese qylmystyq protsesti júrgizetin organǵa qorǵaýshynyń qatysýy týraly ótinishhat berýge quqyly (QR QPK-niń 68-baby).
"Qorǵaýshyny kúdikti nemese onyń zańdy ókilderi, sondai-aq olardyń atynan ózge de adamdar shaqyrmasa, qorǵaýshynyń qatysýyn qylmystyq protsesti júrgizetin organ qamtamasyz etedi (QR QPK-niń 67-baby).
Shaqyrý qaǵazynyń belgilengen ýaqytta kelýine kedergi keltiretin sebepter bolǵan jaǵdaida, sondai-aq prokýrordyń nemese sotaldy is júrgizýdi júzege asyratyn adamnyń, kúdiktiniń nemese onyń ókili sanalatyn adamdardyń qorǵaýshynyń qatysýy týraly ótinishhat berýge niet bildirgen jaǵdaida belgilengen tártippen sotaldy tergeý organyna aldyn ala habarlaýǵa mindetti", - delingen agenttik habarlamasynda.
