Niderlandylyq KLM áýe kompaniiasy reisiniń bortynda eki jolaýshy maska taǵýdan bas tartqandyqtan tóbeles bastaldy, dep habarlaidy The Independent.
Basylym jariialaǵan videotaspada Amsterdamnan Ibitsa aralyna ushyp bara jatqan Boeing-737 ushaǵynyń salonynda maska taǵýdan bas tartqan eki britaniialyq demalýshynyń tóbelesi kórsetilgen. KLM málimetinshe, eki er adamdy basqa jolaýshylar ustap, Ibitsaǵa jetken kezde Ispaniia politsiiasy olardy tutqyndaǵan.
«Eki jolaýshy maska taǵýdan bas tartyp, janyndaǵy jolaýshylardyń mazasyn ketirgen. Ushqysh jergilikti bilikke habarlaǵan, jerge qonǵannan keiin ekeýi de tutqynǵa alyndy», - dedi áýe kompaniiasynyń ókili.
Videony jeksenbi kúni tańerteń alǵash bolyp jariialaǵan Instagram-daǵy akkaýntta jolaýshylardyń biri aǵylshyn ekeni jáne onyń araq iship alǵany aitylǵan.
KLM reisterinde jáne Niderlandy áýejaiynda adamdar maska taǵýǵa mindetti.
