Klimatty qutqarý úshin ushaqtan bas tartý kerek pe? Mamandar osy suraqqa jaýap berdi, dep habarlaidy VVS.
«Demalysty shet elde ótkizetin nemese basqa memleketterge jumys babymen jii baratyn adamdar ushaqsyz ómirin elestete almaidy. Degenmen olar ushaqtardyń kómirtek kólemin kóbeitetinin bilmeýi de múmkin. Al bul olqylyqty qalai joiýǵa bolady?», - dep jazady VVS.
Avtordyń jazýynsha, adamnyń tamaqtanýy da, satyp alatyn azyq-túlikteri de, tipti, saparǵa shyǵýy da aýaǵa parnik gazyn shyǵarady.
«Jahandyq CO 2 qaldyǵynyń 2,4%-y aviatsiia salasyna tiesili. Al jalpy ushaq óndirisi men basqa gazdardy eseptegende bul jahandyq jylynýdyń 5 paiyzyna jetedi. Bir qaraǵanda, bul óte kóp emes siiaqty», dep jazady avtor.
Onyń aitýynsha, álem halqynyń 3 paiyzy jii ushady. Iaǵni, ushaqtar shyǵaratyn ziiandy qaldyq jyldan jylǵa artyp barady.
«2013 jyldan beri qarai ushaqtardan shyqqan ziiandy qaldyqtar 32 paiyzǵa kóbeigen. Al 20 jyldyń ishinde áýe qatynasynyń jolaýshylary eki ese artady degen boljamdy eskersek, bul taǵy da kóbeie túsedi», - deidi basylym.
Avtordyń aitýynsha, adamdarǵa az ushýdy usyný olardy qorqytýy múmkin. Degenmen adamnyń qolynan keletin múmkindikter de bar.
«Mysaly, ishki reisterdiń ornyna poiyzben júrýdi tańdaýǵa bolady. Avtobýspen saparlaý da oǵan balama amal. Jer kóligi arzan, al ishki reis kezinde ýaqytqa da únem bolady. Osy rette Qytaidyń joǵary jyldamdyqty temir jol jelisin damytyp jatqanyn atap ótý kerek. AQSh-ta, Eýropada da bul damymai jatqan sala», dep jazady avtor.
Onyń aitýynsha, eger bul alternativaǵa kelispegen jaǵdaida, áýe kompaniiasynyń jańa ushaqtar shyǵarǵan reisterine basymdyq berilýi kerek.
