Bank klientteriniń iri kólemdegi qarjysyn talan-tarajǵa salý kúdigine iligip, halyqaralyq izdeý jariialanǵan qazaqstandyq Dýbaida qolǵa tústi, dep habarlaidy "Ult aqparat".
«57 jastaǵy áiel birneshe jyl boiy klientterine bildirmesten, olardyń depozittik esepshottaryndaǵy aqshalaryn zańsyz aýdarý arqyly 32 mln teńgeden astam shyǵyn keltirgen.
Qylmystyq qýdalaýdan jaltarý maqsatynda banktiń burynǵy qyzmetkeri Qazaqstan aýmaǵynan Biriken Arab Ámirlikterine ushyp ketken. Osydan keiin Interpoldyń Qazaqstandaǵy ulttyq ortalyq biýrosy «tutqynǵa alý» bultartpaý sharasymen halyqaralyq izdeý jariialaǵan.
Osy jyldyń 18 qyrkúieginde UR QK 189-babynda kózdelgen qylmysty jasaǵany úshin halyqaralyq izdeýde bolǵan qazaqstandyq Dýbaida tutqyndalyp, Qazaqstanǵa deportatsiialandy», - delingen Nur-Sultan qalalyq politsiia departamenti aqparatynda.
Kúdikti áiel ýaqytsha oqshaýlaǵyshqa qamalyp, QR Qylmystyq kodeksiniń 189-babymen qylmystyq is qozǵaldy.
