بانك كليەنتتەرٸنٸڭ ٸرٸ كٶلەمدەگٸ قارجىسىن تالان-تاراجعا سالۋ كٷدٸگٸنە ٸلٸگٸپ, حالىقارالىق ٸزدەۋ جارييالانعان قازاقستاندىق دۋبايدا قولعا تٷستٸ, دەپ حابارلايدى "ۇلت اقپارات".
«57 جاستاعى ەيەل بٸرنەشە جىل بويى كليەنتتەرٸنە بٸلدٸرمەستەن, ولاردىڭ دەپوزيتتٸك ەسەپشوتتارىنداعى اقشالارىن زاڭسىز اۋدارۋ ارقىلى 32 ملن تەڭگەدەن استام شىعىن كەلتٸرگەن.
قىلمىستىق قۋدالاۋدان جالتارۋ ماقساتىندا بانكتٸڭ بۇرىنعى قىزمەتكەرٸ قازاقستان اۋماعىنان بٸرٸكەن اراب ەمٸرلٸكتەرٸنە ۇشىپ كەتكەن. وسىدان كەيٸن ينتەرپولدىڭ قازاقستانداعى ۇلتتىق ورتالىق بيۋروسى «تۇتقىنعا الۋ» بۇلتارتپاۋ شاراسىمەن حالىقارالىق ٸزدەۋ جارييالاعان.
وسى جىلدىڭ 18 قىركٷيەگٸندە ۇر قك 189-بابىندا كٶزدەلگەن قىلمىستى جاساعانى ٷشٸن حالىقارالىق ٸزدەۋدە بولعان قازاقستاندىق دۋبايدا تۇتقىندالىپ, قازاقستانعا دەپورتاتسييالاندى», - دەلٸنگەن نۇر-سۇلتان قالالىق پوليتسييا دەپارتامەنتٸ اقپاراتىندا.
كٷدٸكتٸ ەيەل ۋاقىتشا وقشاۋلاعىشقا قامالىپ, قر قىلمىستىق كودەكسٸنٸڭ 189-بابىمەن قىلمىستىق ٸس قوزعالدى.
