Foto: Zakon.kz
QR Parlamenti Májilisiniń otyrysynda jańa Salyq kodeksiniń jobasy birinshi oqylymda qaralýda. Bul týraly vitse-premer – ulttyq ekonomika ministri Serik Jumanǵarin habarlady. QQS-ny 16% deńgeiinde belgileý usynyldy, dep habarlaidy Ult.kz.
Serik Jumanǵarinniń aitýynsha, biznes-qoǵamdastyqpen jáne depýtattyq korpýspen talqylaýdan keiin ortaq tásilderdi tabýǵa múmkindik týdy.
«QQS 16%-ǵa teń bolady. QQS shegi 40 mln teńge mólsherinde belgilenedi. 40 mln teńge – biz qol jetkizgen ortaq bailam kórinisi. Biraq mundai shek bolǵan jaǵdaida 160 myń jańa salyq tóleýshiden aiyrylyp, 400 mlrd-qa jýyq qosymsha kiristen aiyrylyp jatqanymyzdy aitqym keledi. Muny aityp otyrǵan sebebim, Bizdiń kásipkerler bizdiń Úkimet pen Parlament osyndai ymyraǵa kelýge daiyn ekenin túsinýi kerek», — dep atap ótti vitse-premer.
Sondai-aq vitse-premer endi JK qurý da qatańdatylatynyn aitty.
«Bizde tiisti normalar daiyn – buryn zań buzýshylyqqa jol bergender, qosymsha áreketsiz JK bar adamdar úshin – ashyq jańa JK ashý kúrdeli protsess bolady», — dep atap ótti vitse-premer.
