Ótken demalys kúnderi Qyzylorda oblysynyń ákimi Q.Kósherbaev shyny zaýytynyń qurylys alańyna baryp, iske qosylatyn barlyq 4 nysannyń qurylys jumystarymen tanysty.
Qazirgi ýaqytta qurylys alańynda 17 merdiger kompaniiadan 240-qa jýyq adam jumys isteýde.
Barlyq 4 keshendi iske qosý boiynsha jumys júrgizilýde:
«Daiyn ónim qoimasy»-birinshi keshen boiynsha - 85%;
Ekinshi «Ishki temir jol» kesheni boiynsha - 52%;
Úshinshi «Negizgi tsehtar» kesheni boiynsha - 45%;
Tórtinshi «Ishki injenerlik jeliler» kesheni boiynsha - 7% jumys aiaqtalǵan.
Biýdjettik qarajat esebinen shyny zaýytyna qajetti barlyq infraqurylym jetkiziledi. Búgingi tańda gaz qubyrynyń eki tarmaǵy, sýmen jabdyqtaý, káriz júiesi, elektr jelileri, joldar men bailanys jelileri tartyldy.
Aǵymdaǵy jyldyń qarasha aiyna deiin temir joldyń qurylysyn aiaqtaý josparlanyp otyr.
Buǵan deiin aitylǵandai, zaýyt qurylysynyń aiaqtalýy aǵymdaǵy jyldyń aiaǵyna josparlanǵan, osyǵan bailanysty oblys ákimdigi qurylysty ýaqytynda aiaqtaý úshin tiisti jumystardy atqarýda.
Aita ketý kerek, «Chaina Triýmf» kompaniiasy kún batareialary, smartfondar men planshetter ( qýattylyǵy kúnine 250 tonna ýltra juqa shyny óndiretin zaýyt ) úshin paidalanylatyn óte juqa ári ýltra móldir shyny óndirý úshin joǵary tehnologiialyq zaýyt qurylysyna investor retinde qosyldy.
Jańa jobanyń quny shamamen 150 million AQSh dollaryn quraidy.
Ónimderdiń negizgi artyqshylyqtary qalyńdyǵy 0,15 mm tegis jáne optikalyq burmalanýy tómen shyny bolyp tabylady.
Zaýyt qurylysynyń ekinshi kezeńinde 500 jańa jumys ornyn, al paidalanýǵa bergennen keiin shamamen 150-den astam turaqty jumys ornyn qurý josparlanyp otyr.
