ٶتكەن دەمالىس كٷندەرٸ قىزىلوردا وبلىسىنىڭ ەكٸمٸ ق.كٶشەرباەۆ شىنى زاۋىتىنىڭ قۇرىلىس الاڭىنا بارىپ, ٸسكە قوسىلاتىن بارلىق 4 نىساننىڭ قۇرىلىس جۇمىستارىمەن تانىستى.
قازٸرگٸ ۋاقىتتا قۇرىلىس الاڭىندا 17 مەردٸگەر كومپانييادان 240-قا جۋىق ادام جۇمىس ٸستەۋدە.
بارلىق 4 كەشەندٸ ٸسكە قوسۋ بويىنشا جۇمىس جٷرگٸزٸلۋدە:
«دايىن ٶنٸم قويماسى»-بٸرٸنشٸ كەشەن بويىنشا - 85%;
ەكٸنشٸ «ٸشكٸ تەمٸر جول» كەشەنٸ بويىنشا - 52%;
ٷشٸنشٸ «نەگٸزگٸ تسەحتار» كەشەنٸ بويىنشا - 45%;
تٶرتٸنشٸ «ٸشكٸ ينجەنەرلٸك جەلٸلەر» كەشەنٸ بويىنشا - 7% جۇمىس اياقتالعان.
بيۋدجەتتٸك قاراجات ەسەبٸنەن شىنى زاۋىتىنا قاجەتتٸ بارلىق ينفراقۇرىلىم جەتكٸزٸلەدٸ. بٷگٸنگٸ تاڭدا گاز قۇبىرىنىڭ ەكٸ تارماعى, سۋمەن جابدىقتاۋ, كەرٸز جٷيەسٸ, ەلەكتر جەلٸلەرٸ, جولدار مەن بايلانىس جەلٸلەرٸ تارتىلدى.
اعىمداعى جىلدىڭ قاراشا ايىنا دەيٸن تەمٸر جولدىڭ قۇرىلىسىن اياقتاۋ جوسپارلانىپ وتىر.
بۇعان دەيٸن ايتىلعانداي, زاۋىت قۇرىلىسىنىڭ اياقتالۋى اعىمداعى جىلدىڭ اياعىنا جوسپارلانعان, وسىعان بايلانىستى وبلىس ەكٸمدٸگٸ قۇرىلىستى ۋاقىتىندا اياقتاۋ ٷشٸن تيٸستٸ جۇمىستاردى اتقارۋدا.
ايتا كەتۋ كەرەك, «چاينا تريۋمف» كومپانيياسى كٷن باتارەيالارى, سمارتفوندار مەن پلانشەتتەر ( قۋاتتىلىعى كٷنٸنە 250 توننا ۋلترا جۇقا شىنى ٶندٸرەتٸن زاۋىت ) ٷشٸن پايدالانىلاتىن ٶتە جۇقا ەرٸ ۋلترا مٶلدٸر شىنى ٶندٸرۋ ٷشٸن جوعارى تەحنولوگييالىق زاۋىت قۇرىلىسىنا ينۆەستور رەتٸندە قوسىلدى.
جاڭا جوبانىڭ قۇنى شامامەن 150 ميلليون اقش دوللارىن قۇرايدى.
ٶنٸمدەردٸڭ نەگٸزگٸ ارتىقشىلىقتارى قالىڭدىعى 0,15 مم تەگٸس جەنە وپتيكالىق بۇرمالانۋى تٶمەن شىنى بولىپ تابىلادى.
زاۋىت قۇرىلىسىنىڭ ەكٸنشٸ كەزەڭٸندە 500 جاڭا جۇمىس ورنىن, ال پايدالانۋعا بەرگەننەن كەيٸن شامامەن 150-دەن استام تۇراقتى جۇمىس ورنىن قۇرۋ جوسپارلانىپ وتىر.
