Foto: Aqorda
Prezident Qasym-Jomart Toqaev Qazaqstanǵa memlekettik saparmen kelgen QHR Tóraǵasy Si Tszinpindi elorda áýejaiynda qarsy aldy, dep habarlaidy Aqorda.
Mártebeli qonaqty saltanatpen qarsy alý úshin áýejaida Qurmet qaraýyly rotasy sap túzep turdy. Sondai-aq Qazaqstan men Qytai halyqtarynyń shynaiy dostyǵynyń belgisi retinde balalar eki eldiń jalaýyn jelbiretip, qoshemet kórsetti.
Balalar Tóraǵa Si Tszinpin bastaǵan QHR delegatsiiasyna iltipat bildirip, qytai tilinde án shyrqady. Sapar aiasynda joǵary deńgeide ekijaqty kelissózder júrgiziledi jáne birqatar mańyzdy qujatqa qol qoiylady dep josparlanyp otyr.
Buǵan deiin habarlanǵanyndai, 2-4 shilde kúnderi Prezident Qasym-Jomart Toqaevtyń shaqyrýymen Qytai Halyq Respýblikasynyń Tóraǵasy Si Tszinpin Qazaqstanǵa memlekettik saparmen keledi. Ol sondai-aq, Shanhai yntymaqtastyq uiymyna múshe memleketter basshylary keńesiniń 24-shi otyrysyna qatysady.
