Qazaqstan Prezidenti Qasym-Jomart Toqaev QHR Tóraǵasy Si Tszinpinmen kezdesti, dep habarlaidy Aqordanyń baspasóz qyzmeti.
Memleket basshysy prezident bolyp sailanýymen jáne Qazaqstan Prezidenti qyzmetine kirisýimen quttyqtaǵany úshin Qytai Halyq Respýblikasynyń Tóraǵasyna rizashylyq bildirdi.
- Meniń atyma joldaǵan júrekjardy quttyqtaý hatyńyzdy aldym. Sailaý qorytyndysyn Qazaqstan halqynyń maǵan artqan zor senimi jáne Tuńǵysh Prezidentimiz, Sizdiń dosyńyz Nursultan Ábishulynyń baǵdaryn qoldaýy retinde qabyldaimyn, - dedi Qasym-Jomart Toqaev.
Qazaqstan Prezidenti qazaq-qytai yntymaqtastyǵyn damytýdyń mańyzdylyǵyn atap ótip, Qytai Halyq Respýblikasymen qarym-qatynastardyń syrtqy saiasatymyzdaǵy basty basymdyqtardyń biri ekenin aitty.
- Bul yntymaqtastyqtyń strategiialyq sipaty bar. Keń aýqymdy Eýraziia qurlyǵyndaǵy tynyshtyq pen qaýipsizdikti qamtamasyz etý úshin onyń mańyzy zor, - dedi Memleket basshysy.
Qasym-Jomart Toqaev Si Tszinpindi «Bir beldeý - bir jol» ekinshi halyqaralyq yntymaqtastyq forýmynyń tabysty ótýimen jáne QHR-diń aldaǵy 70 jyldyq mereitoiymen quttyqtady.
QHR Tóraǵasy Memleket basshysyn prezident sailaýyndaǵy jeńisimen taǵy da quttyqtap, biyl Qytaiǵa resmi saparmen kelýge shaqyrdy.
- Biz Qazaqstannyń aýyl sharýashylyǵy ónimderin óńdeý, tsifrlandyrý, IT-indýstriia jáne «jasyl» tehnologiia salalaryndaǵy yntymaqtastyqty nyǵaitýǵa úmittenemiz. Sondai-aq, «Bir beldeý - bir jol» baǵdarlamasy men Indýstriialyq-innovatsiialyq damý memlekettik baǵdarlamasyn ushtastyrý arqyly Qazaqstannyń tranzittik áleýetin keńirek paidalanýǵa múddelimiz, - dedi QHR Tóraǵasy.
Kezdesý barysynda taraptar mádeni-gýmanitarlyq saladaǵy, sonyń ishinde jastardyń taǵylymdama almasýlaryn keńeitý jáne birlesken is-sharalar ótkizý jónindegi eki eldiń yqpaldastyǵyn talqylady.
