QHR-diń Almatydaǵy bas konsýly Chjan Vei Qytaida adamdardy qaita tárbieleýge arnalǵan "musylmandar lagerleri" bar degen aqparatqa qatysty málimdeme jasady, - dep habarlaidy Tengrinews.kz.
CNN basylymy Qytaida islam dinin ustanatyn 120 myń uiǵyrdy Shyńjań Uiǵyr avtonomiialyq aýdanyna qarasty Qashǵar qalasynda ornalasqan saiasi saýat berý lagerlerine jóneltti dep jazǵan edi.
Sheneýnik bul aqparattty joqqa shyǵaryp, qai el úshin de qaýipsizdik mańyzdy ekenin de atap ótti.
"CNN - batystyń basylymy. Olarǵa seńbeńizder. Qytaida ondai uǵym joq. CNN jaqsyraq aqparattanǵan siiaqty ǵoi, solardan surap kórińizder. Degenmen kez kelgen el úshin qaýipsizdik birinshi maqsat ekeni anyq. Qazaqstanda da turaqtylyq pen qaýpisizdikti saqtaýǵa baǵyttalǵan osyndai sharalar júrgiziledi. Qytaida, Amerikada da, basqa elderde de sol. Eshqandai el mundai máselege nazar salmaidy. Degenmen bul másele boiynsha, Batysqa qaraǵanda, Qytaidyń baspasózine nazar aýdarǵan jón. Árine Batystyń baspasózi erkin ekenin bilemiz. Degenmen taǵy da atap ótkim keledi, jyldamdyq, shyndyq jáne obektivti bolý - mine naǵyz BAQ qyzmetkerleriniń qasieti", - deidi bas konsýl.
