Qytai Halyq Respýblikasyndaǵy etnikalyq qazaqtardyń túrli máseleler boiynsha ótinishteriniń jiilenýine bailanysty Qazaqstan jáne Qytai diplomatiialyq vedomstvolary qazaq diasporasynyń máselelerin talqylaý úshin júieli túrde konsýltatsiialar ótkizýde, - dep habarlaidy "Ult aqparat" vedomstvonyń baspasóz qyzmetine silteme jasap.
Sonymen qatar, 27 qarashada QR Syrtqy ister ministriniń orynbasary Aqylbek Kamaldinov QHR Elshisi Chjan Hanhýeimen kezdeskeni aitylady. "Qazaqstan Respýblikasy Syrtqy ister ministrliginiń Konsýldyq qyzmet departamenti jáne Astanadaǵy QHR Elshiliginiń konsýldyq bólim basshylyǵymen qazaq diasporasyna (QHR azamattary) bailanysty máselelerdi sheshý jolyndaǵy yntymaqtastyq jónindegi konsýltatsiialar ótkizildi. 9 qarashada Qazaqstan Respýblikasynyń Qytaidaǵy Elshisi Shahrat Nuryshev QHR Syrtqy ister ministriniń kómekshisi (vitse-ministr) Li Hýeilaimen kezdesti", - delingen habarlamada.
Ústimizdegi jyldyń sońyna deiin QR Syrtqy ister ministriniń birinshi orynbasary Muhtar Tileýberdi Úrimji qalasyna QHR Shynjań Uiǵyr avtonomiialyq aýdany jáne QHR ShUAR Syrtqy ister basqarmasy basshylyǵymen kezdesý maqsatymen, sondai-aq QR SIM Pasport jáne vizalyq qyzmet inspektsiiasyn jasaý úshin jumys saparymen barady.
Sonymen qatar, jeltoqsanda Syrtqy ister ministriniń orynbasary A. Kamaldinovtyń Beijiń qalasyna kún tártibinde QHR qazaq diasporasynyń máseleleri qamtylatyn QR-QHR Qaýipsizdik salasyndaǵy yntymaqtastyq jónindegi kishi komitettiń jáne eki eldiń Syrtqy ister ministrlikteri arasyndaǵy saiasi konsýltatsiialar otyrysyn ótkizý maqsatynda jumys sapary josparlanǵan.
Elbasy Nursultan Nazarbaevtyń tapsyrmalaryna sáikes sheteldegi qazaq diasporasyna qatysty máseleler QR SIM qyzmetiniń basym baǵyttarynyń biri jáne ekijaqty kelissózder men Qazaqstannyń syrtqy saiasi vedomstvosynyń basqa elderdiń tiisti organdarymen kezdesýleriniń kún tártibine júieli túrde engiziledi.
