Qurlyqtyq hokkei ligasynyń turaqty chempionaty aiasynda elordalyq «Barys» óz aidynynda «Amýr» (Habarovsk) komandasyn utty, dep habarlaidy "Ult aqparat".
Shyǵys konferentsiiasynda «Barys» segizinshi orynda tursa, qarsylasy 10-satyda edi. Plei-off básekesine joldama alýǵa múmkindik beretin úzdik segizdikke iligý úshin bul match qos komanda úshin de mańyzdy bolatyn.
Osynyń aldynda eki oiynda jeńilis tapqan Iýrii Mihailistiń shákirtteri aidynǵa tastúiin daiyndyqpen shyqty. Ásirese, Nikita Mihailis ekinshi kezeńde komandasyn 2:0 esebimen alǵa shyǵardy. Bul rette Roman Starchenko eki ret nátijeli pas shyǵardy.
Úshinshi kezeńde qonaqtar Dmitrii Lýgin men Sergei Tereshenkonyń mergendigi arqasynda tarazy basyn teńestirdi – 2:2. Degenmen 48-minýtta N.Mihailis oiyn núktesin qoidy.
Osy jeńisten keiin 51 upai jinaǵan «Barys» Shyǵys tobynda burynǵysha 8-orynda keledi.
Elordalyqtar kelesi kezdesýin syrt aidynda 19 qańtar kúni «Iokerit» komandasymen ótkizedi.
