قۇرلىقتىق حوككەي ليگاسىنىڭ تۇراقتى چەمپيوناتى اياسىندا ەلوردالىق «بارىس» ٶز ايدىنىندا «امۋر» (حاباروۆسك) كومانداسىن ۇتتى, دەپ حابارلايدى "ۇلت اقپارات".
شىعىس كونفەرەنتسيياسىندا «بارىس» سەگٸزٸنشٸ ورىندا تۇرسا, قارسىلاسى 10-ساتىدا ەدٸ. پلەي-وفف بەسەكەسٸنە جولداما الۋعا مٷمكٸندٸك بەرەتٸن ٷزدٸك سەگٸزدٸككە ٸلٸگۋ ٷشٸن بۇل ماتچ قوس كوماندا ٷشٸن دە ماڭىزدى بولاتىن.
وسىنىڭ الدىندا ەكٸ ويىندا جەڭٸلٸس تاپقان يۋريي ميحايليستٸڭ شەكٸرتتەرٸ ايدىنعا تاستٷيٸن دايىندىقپەن شىقتى. ەسٸرەسە, نيكيتا ميحايليس ەكٸنشٸ كەزەڭدە كومانداسىن 2:0 ەسەبٸمەن العا شىعاردى. بۇل رەتتە رومان ستارچەنكو ەكٸ رەت نەتيجەلٸ پاس شىعاردى.
ٷشٸنشٸ كەزەڭدە قوناقتار دميتريي لۋگين مەن سەرگەي تەرەششەنكونىڭ مەرگەندٸگٸ ارقاسىندا تارازى باسىن تەڭەستٸردٸ – 2:2. دەگەنمەن 48-مينۋتتا ن.ميحايليس ويىن نٷكتەسٸن قويدى.
وسى جەڭٸستەن كەيٸن 51 ۇپاي جيناعان «بارىس» شىعىس توبىندا بۇرىنعىشا 8-ورىندا كەلەدٸ.
ەلوردالىقتار كەلەسٸ كەزدەسۋٸن سىرت ايدىندا 19 قاڭتار كٷنٸ «يوكەريت» كومانداسىمەن ٶتكٸزەدٸ.
