Búgin elordalyq «Barys» qurlyqtyq hokkei ligasyndaǵy kezekti oiynynda Belarýste «Dinamo» (Minsk) komandasymen kezdesedi, dep habarlaidy "Ult aqparat".
Esterińizge sala ketelik, elordalyq klýb jańa maýsymdaǵy alǵashqy matchynda Latviiada jergilikti «Dinamo» (Riga) klýbyn 3:2 esebimen jeńip ketti. Osylaisha chempionatty sátti bastady.
«Barys» pen Minskiniń «Dinamo» komandasy búgingi kúnge deiin 23 márte kezdesken. Onyń 14-i elordalyq klýbtyń basymdyǵymen aiaqtalsa, qalǵanynda Belarýs komandasy myqtylyǵyn tanytty.
Aita keterligi, sońǵy tórt oiynda «Barys» jeńiske jetip keledi. Sondai-aq, Minskide ótken sońǵy eki oiynda da qazaqstandyq klýb basym boldy.
Eki komanda arasyndaǵy kezdesý búgin elorda ýaqytymen 20.10-de bastalady.
Oiyn «Qazsport» telearnasynan tikelei efirde kórsetiledi.
