بٷگٸن ەلوردالىق «بارىس» قۇرلىقتىق حوككەي ليگاسىنداعى كەزەكتٸ ويىنىندا بەلارۋستە «دينامو» (مينسك) كومانداسىمەن كەزدەسەدٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, ەلوردالىق كلۋب جاڭا ماۋسىمداعى العاشقى ماتچىندا لاتۆييادا جەرگٸلٸكتٸ «دينامو» (ريگا) كلۋبىن 3:2 ەسەبٸمەن جەڭٸپ كەتتٸ. وسىلايشا چەمپيوناتتى سەتتٸ باستادى.
«بارىس» پەن مينسكٸنٸڭ «دينامو» كومانداسى بٷگٸنگٸ كٷنگە دەيٸن 23 مەرتە كەزدەسكەن. ونىڭ 14-ٸ ەلوردالىق كلۋبتىڭ باسىمدىعىمەن اياقتالسا, قالعانىندا بەلارۋس كومانداسى مىقتىلىعىن تانىتتى.
ايتا كەتەرلٸگٸ, سوڭعى تٶرت ويىندا «بارىس» جەڭٸسكە جەتٸپ كەلەدٸ. سونداي-اق, مينسكٸدە ٶتكەن سوڭعى ەكٸ ويىندا دا قازاقستاندىق كلۋب باسىم بولدى.
ەكٸ كوماندا اراسىنداعى كەزدەسۋ بٷگٸن ەلوردا ۋاقىتىمەن 20.10-دە باستالادى.
ويىن «Qazsport» تەلەارناسىنان تٸكەلەي ەفيردە كٶرسەتٸلەدٸ.
