Búgin elordalyq «Barys» qurlyqtyq hokkei ligasyndaǵy kezekti oiynynda Reseidiń «Salavat Iýlaev» (Ýfa) komandasymen kezdesti, dep habarlaidy QazAqparat.
«Barys» keiingi kezderi jaqsy oiyn órnegin kórsetip keledi. Sońǵy jeti matchta elordalyq klýb alty márte jeńiske jetti. Nebári bireýinde ǵana qarsylasyna ese jiberdi.
Búgingi kezdesýde de «Barys» táp-táýir oiyn kórsetti. Esepti alǵash bolyp elordalyq hokkeishiler ashty. Oiynnyń 11-minýtynda Darren Dits óz komandasye alǵa shyǵardy. Al ekinshi kezeńde «Salavat Iýlaev» sapynan Sakari Manninen tarazy basyn teńestirgen edi. Al 44-minýtta qazaqstandyq klýb qatarynan Kiortis Valk mergendik tanytty. Osylaisha «Barys» qarsylasyn 2:1 esebimen tize búktirdi. Búgingi jeńisten keiin elordalyq klýb jalpy komandalyq esepte besinshi orynǵa kóterildi. Sondai-aq, shyǵys konferentsiiasynda tórtinshi orynǵa turaqtasa, Chernyshev divizionynda kósh basyna shyqty.
Budan buryn elordalyq klýb Cherepovetstiń «Severstal» klýbyn 5:1 esebimen jeńgen edi .
«Barys» hokkeishileri endi taǵy bir oiyndy syrt aidynda ótkizedi. Olar 11 qazanda Novosibirde jergilikti «Sibir» komandasymen kezdesedi.
Odan keiin elordada úsh oiyn qatarynan qarsylastaryn qabyldaidy. Elordalyq klýb 14 qazanda Vladivostoktyń «Admiralyn» qabyldasa, 16 qazanda Latviianyń «Dinamo» (Riga), 20 qazanda Podolskiniń «Vitiaz» klýbtarymen muz aidynǵa shyǵady.
