Qurlyqtyq hokkei ligasynyń kezekti oiynyn «Barys» óz aidynynda «Salavat Iýlaev» (Ýfa) komandasymen ótkizdi, dep habarlaidy QazAqparat.
Birinshi kezeńde qonaqtardan Sergei Shmelev 13 minýtta mergendigimen kózge tústi.
Ekinshi taim basynda Linden Vei san basymdylyǵyn paidalanyp, tarazy basyn teńestirgenimen, kóp uzamai S.Shmelev jeńis golyn soǵyp ketti – 2:1.
Úshinshi kezeńde aidyn ieleri qansha tyrysyp baqqanmen, esep ózgergen joq.
Osylaisha Iýrii Mihailistiń shákirtteri jyldyń sońǵy matchynda jeńilis tapty. Elordalyqtar 42 upaimen Shyǵys konferentsiiasynda burynǵysynsha segizinshi orynda keledi.
«Barys» kelesi oiynyn 3 qańtar kúni óz aidynynda «Dinamo» (Riga) komandasymen ótkizedi. Rigalyqtar 35 upaimen Batys konferentsiiasynda kósh sońynda tur.
