Búgin elordalyq «Barys» plei-off satysynda Reseidiń «Metallýrg» (Magnitogorsk) komandasymen ekinshi kezdesýin ótkizdi, dep habarlaidy "Ult aqparat".
Kezdesýdiń alǵashqy minýtynan tartysty oiyn órbidi. Reseilik hokkeishiler tarapynan belsendilik baiqalyp turdy. Olar «Barys» qaqpasy mańynan jii boi kórsetti. Dese de birinshi kezeńde esep ashylǵan joq.
Ekinshi kezeńde de «Metallýrg» alǵa qarai umtyldy. Nátijesinde reseilik komanda «Barys» qaqpasyna gol soǵyp ketti. Oiynnyń 24-minýtynda reseilik Andrei Nestrashil mergendik tanytty. Al 27-minýtta Sergei Moziakin esepti ústemelei tústi. Andrei Nestrashil 36-minýtta kezdesýdegi ekinshi goldyń avtory atandy.
Úshinshi kezeńde «Barystyń» belsendiligi baiqaldy. Degenmen eki komanda da gol soǵa alǵan joq. Oiynda «Barys» 0:3 esebimen jeńilip qaldy.
Eki komanda arasyndaǵy alǵashqy kezdesýde «Barys» 4:0 esebimen jeńiske jetti.
Endi 5 jáne 7 naýryz kúnderi eki match Magnitogorsk qalasynda bolady.
Jarys talaby boiynsha kezeńniń atalmysh satysynda komandanyń bireýi tórt jeńiske jetkenge deiin sozylady. Qajet bolǵan jaǵdaida qosymsha oiyndar 9, 11, 13 naýryz kúnderi ótkiziledi.
