بٷگٸن ەلوردالىق «بارىس» پلەي-وفف ساتىسىندا رەسەيدٸڭ «مەتاللۋرگ» (ماگنيتوگورسك) كومانداسىمەن ەكٸنشٸ كەزدەسۋٸن ٶتكٸزدٸ, دەپ حابارلايدى "ۇلت اقپارات".
كەزدەسۋدٸڭ العاشقى مينۋتىنان تارتىستى ويىن ٶربٸدٸ. رەسەيلٸك حوككەيشٸلەر تاراپىنان بەلسەندٸلٸك بايقالىپ تۇردى. ولار «بارىس» قاقپاسى ماڭىنان جيٸ بوي كٶرسەتتٸ. دەسە دە بٸرٸنشٸ كەزەڭدە ەسەپ اشىلعان جوق.
ەكٸنشٸ كەزەڭدە دە «مەتاللۋرگ» العا قاراي ۇمتىلدى. نەتيجەسٸندە رەسەيلٸك كوماندا «بارىس» قاقپاسىنا گول سوعىپ كەتتٸ. ويىننىڭ 24-مينۋتىندا رەسەيلٸك اندرەي نەستراشيل مەرگەندٸك تانىتتى. ال 27-مينۋتتا سەرگەي موزياكين ەسەپتٸ ٷستەمەلەي تٷستٸ. اندرەي نەستراشيل 36-مينۋتتا كەزدەسۋدەگٸ ەكٸنشٸ گولدىڭ اۆتورى اتاندى.
ٷشٸنشٸ كەزەڭدە «بارىستىڭ» بەلسەندٸلٸگٸ بايقالدى. دەگەنمەن ەكٸ كوماندا دا گول سوعا العان جوق. ويىندا «بارىس» 0:3 ەسەبٸمەن جەڭٸلٸپ قالدى.
ەكٸ كوماندا اراسىنداعى العاشقى كەزدەسۋدە «بارىس» 4:0 ەسەبٸمەن جەڭٸسكە جەتتٸ.
ەندٸ 5 جەنە 7 ناۋرىز كٷندەرٸ ەكٸ ماتچ ماگنيتوگورسك قالاسىندا بولادى.
جارىس تالابى بويىنشا كەزەڭنٸڭ اتالمىش ساتىسىندا كوماندانىڭ بٸرەۋٸ تٶرت جەڭٸسكە جەتكەنگە دەيٸن سوزىلادى. قاجەت بولعان جاعدايدا قوسىمشا ويىندار 9, 11, 13 ناۋرىز كٷندەرٸ ٶتكٸزٸلەدٸ.
