Búgin elordalyq «Barys» qurlyqtyq hokkei ligasyndaǵy kezekti oiynynda Belarýste «Dinamo» (Minsk) komandasymen sheberlik baiqasty, dep habarlaidy "Ult aqparat".
Esterińizge sala ketelik, elordalyq klýb jańa maýsymdaǵy alǵashqy matchynda Latviiada jergilikti «Dinamo» (Riga) klýbyn 3:2 esebimen jeńip ketti. Osylaisha chempionatty sátti bastady .
Al «Dinamo» birinshi týrda oiyn ótkizbesten upaiǵa ie boldy. Óitkeni, Finliandiianyń «Iokerit» komandasynyń Belarýske kelmei qaldy. Olarǵa tehnikalyq jeńilis jazyldy.
Búgingi kezdesýde aidyn ieleri birinshi keezńde basym oinady. Elordalyq klýb negizinen qorǵanysta júrdi.
Ekinshi kezeńde minskilik komanda basymdyǵyn arttyra tústi. Nátijesinde olardyń qatarynan Brenjon Kozýn 25, Rob Klinkhammer 26, Artem Demkov 28-minýttarda mergendik tanytty. Oǵan 39-minýtta «Barys» hokkeishisi Anton Sagadeev bir shaibamen jaýap qaiyrdy. Ekinshi kezeń bitýine sanaýly sekýnd qalǵanda «Dinamo» hokkeishisi Egor Sharantovich esep aiyrmasyn arttyra tústi.
Úshinshi kezeńde elordalyq klýb hokkeishileri beosendilik tanytty. Osynyń arqasynda qatarynan úsh shaiba soǵyp, tarazy basyn teńestirdi. Olardy Roman Starchenko 40, Nikita Mihailis 54, Darren Dits óziniń enshisine jazdy. Oiynnyń negizgi kezeńi 4:4 esebimen aiaqtaldy. Overtaimda «Dinamo» jeńis shaibasyn soǵyp ketti.
Endi elordalyq klýb 7 qyrkúiekte Reseidiń TsSKA (Máskeý) komandasymen oinaidy. Al 10 qyrkúiekte «Barys» elordada Qytaidyń «Kýnlýn Red Star» komandasyn qabyldaidy.
