بٷگٸن ەلوردالىق «بارىس» قۇرلىقتىق حوككەي ليگاسىنداعى كەزەكتٸ ويىنىندا بەلارۋستە «دينامو» (مينسك) كومانداسىمەن شەبەرلٸك بايقاستى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, ەلوردالىق كلۋب جاڭا ماۋسىمداعى العاشقى ماتچىندا لاتۆييادا جەرگٸلٸكتٸ «دينامو» (ريگا) كلۋبىن 3:2 ەسەبٸمەن جەڭٸپ كەتتٸ. وسىلايشا چەمپيوناتتى سەتتٸ باستادى .
ال «دينامو» بٸرٸنشٸ تۋردا ويىن ٶتكٸزبەستەن ۇپايعا يە بولدى. ٶيتكەنٸ, فينلياندييانىڭ «يوكەريت» كومانداسىنىڭ بەلارۋسكە كەلمەي قالدى. ولارعا تەحنيكالىق جەڭٸلٸس جازىلدى.
بٷگٸنگٸ كەزدەسۋدە ايدىن يەلەرٸ بٸرٸنشٸ كەەزڭدە باسىم وينادى. ەلوردالىق كلۋب نەگٸزٸنەن قورعانىستا جٷردٸ.
ەكٸنشٸ كەزەڭدە مينسكٸلٸك كوماندا باسىمدىعىن ارتتىرا تٷستٸ. نەتيجەسٸندە ولاردىڭ قاتارىنان برەنجون كوزۋن 25, روب كلينكحاممەر 26, ارتەم دەمكوۆ 28-مينۋتتاردا مەرگەندٸك تانىتتى. وعان 39-مينۋتتا «بارىس» حوككەيشٸسٸ انتون ساگادەەۆ بٸر شايبامەن جاۋاپ قايىردى. ەكٸنشٸ كەزەڭ بٸتۋٸنە ساناۋلى سەكۋند قالعاندا «دينامو» حوككەيشٸسٸ ەگور شارانتوۆيچ ەسەپ ايىرماسىن ارتتىرا تٷستٸ.
ٷشٸنشٸ كەزەڭدە ەلوردالىق كلۋب حوككەيشٸلەرٸ بەوسەندٸلٸك تانىتتى. وسىنىڭ ارقاسىندا قاتارىنان ٷش شايبا سوعىپ, تارازى باسىن تەڭەستٸردٸ. ولاردى رومان ستارچەنكو 40, نيكيتا ميحايليس 54, داررەن ديتس ٶزٸنٸڭ ەنشٸسٸنە جازدى. ويىننىڭ نەگٸزگٸ كەزەڭٸ 4:4 ەسەبٸمەن اياقتالدى. وۆەرتايمدا «دينامو» جەڭٸس شايباسىن سوعىپ كەتتٸ.
ەندٸ ەلوردالىق كلۋب 7 قىركٷيەكتە رەسەيدٸڭ تسسكا (مەسكەۋ) كومانداسىمەن وينايدى. ال 10 قىركٷيەكتە «بارىس» ەلوردادا قىتايدىڭ «كۋنلۋن رەد ستار» كومانداسىن قابىلدايدى.
