Búgin elordalyq «Barys» qurlyqtyq hokkei ligasyndaǵy kezekti oiynynda Reseidiń «Admiral» (Vladivostok) komandasymen kezdesti, dep habarlaidy "Ult aqparat".
Esterińizge sala ketelik, qazir «Barys» qurlyqtyq hokkei ligasy turaqty kezeńindegi jalpy týrnir kestesinde 82 upaimen altynshy orynda tur. Plei-off kezeńine beriletin joldamaǵa birneshe týr buryn qol jetkizip qoidy. Al «Admiral» 20-orynda keledi .
Aita keterligi, «Admiral» sońǵy jeti kezdesýdiń altaýynda qarsylastaryna ese jiberip qoidy. Qýanarlyǵy, «Barys» sońǵy segiz oiynnyń jetýinde qarsylastaryn qapy qaldyrdy.
«Barystyń» bas bapkeri Andrei Skabelka qurlyqtyq hokkei ligasy turaqty kezeńindegi sońǵy eki oiynynda qazaqstandyq jastardyń áleýetin baiqap kórýge sheshim qabyldady. Komanda quramynda barlyq shep boiynsha ózgerister boldy.
Bas bapkerdiń bul táýekeli óz jemisin berdi. Jastar ózderin jaqsy qyrynan tanyta bildi. Oiynnyń 4-minýtynda «Barys» sapynan Valerii Orehov mergendik tanytty. Al 6-minýtta onyń komandalyq áriptesi Pavel Akolzin esepti ústemelei tústi. Sol 6-minýtta elordalyq hokkeishiler taǵy bir márte qarsylasyn qapy qaldyrdy. Al 36-minýtta Konstantin Glazachev esep aiyrmasyn qysqartty. Oiynda «Barys» qarsylasynan 3:1 esebimen basym tústi.
Aita keterligi, sońǵy tórt kezdesýde elordalyq klýb atalǵan qarsylasyn jeńe almai kelgen edi. Elordalyq hokkeishiler sol ketken eseni qaitardy. Sondai-aq, shyǵys konferentsiiasynda Reseidiń «Avangard» komandasyn arta salyp, ekinshi orynǵa kóterildi. Jalpy týrnir kestesinde tqrtinshy orynǵa jaiǵasty.
Endi «Barys» qurlyqtyq hokkei ligasy turaqty kezeńinde 26 aqpanda Habarovskiniń «Amýr» komandasymen oinaidy. Al 1 naýryzda plei-off kezeńi bastalady. Ázirge «Barys» komandasyna kimniń qarsylas atanatyny belgisiz.
