بٷگٸن ەلوردالىق «بارىس» قۇرلىقتىق حوككەي ليگاسىنداعى كەزەكتٸ ويىنىندا رەسەيدٸڭ «ادميرال» (ۆلاديۆوستوك) كومانداسىمەن كەزدەستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازٸر «بارىس» قۇرلىقتىق حوككەي ليگاسى تۇراقتى كەزەڭٸندەگٸ جالپى تۋرنير كەستەسٸندە 82 ۇپايمەن التىنشى ورىندا تۇر. پلەي-وفف كەزەڭٸنە بەرٸلەتٸن جولداماعا بٸرنەشە تۋر بۇرىن قول جەتكٸزٸپ قويدى. ال «ادميرال» 20-ورىندا كەلەدٸ .
ايتا كەتەرلٸگٸ, «ادميرال» سوڭعى جەتٸ كەزدەسۋدٸڭ التاۋىندا قارسىلاستارىنا ەسە جٸبەرٸپ قويدى. قۋانارلىعى, «بارىس» سوڭعى سەگٸز ويىننىڭ جەتۋٸندە قارسىلاستارىن قاپى قالدىردى.
«بارىستىڭ» باس باپكەرٸ اندرەي سكابەلكا قۇرلىقتىق حوككەي ليگاسى تۇراقتى كەزەڭٸندەگٸ سوڭعى ەكٸ ويىنىندا قازاقستاندىق جاستاردىڭ ەلەۋەتٸن بايقاپ كٶرۋگە شەشٸم قابىلدادى. كوماندا قۇرامىندا بارلىق شەپ بويىنشا ٶزگەرٸستەر بولدى.
باس باپكەردٸڭ بۇل تەۋەكەلٸ ٶز جەمٸسٸن بەردٸ. جاستار ٶزدەرٸن جاقسى قىرىنان تانىتا بٸلدٸ. ويىننىڭ 4-مينۋتىندا «بارىس» ساپىنان ۆالەريي ورەحوۆ مەرگەندٸك تانىتتى. ال 6-مينۋتتا ونىڭ كوماندالىق ەرٸپتەسٸ پاۆەل اكولزين ەسەپتٸ ٷستەمەلەي تٷستٸ. سول 6-مينۋتتا ەلوردالىق حوككەيشٸلەر تاعى بٸر مەرتە قارسىلاسىن قاپى قالدىردى. ال 36-مينۋتتا كونستانتين گلازاچەۆ ەسەپ ايىرماسىن قىسقارتتى. ويىندا «بارىس» قارسىلاسىنان 3:1 ەسەبٸمەن باسىم تٷستٸ.
ايتا كەتەرلٸگٸ, سوڭعى تٶرت كەزدەسۋدە ەلوردالىق كلۋب اتالعان قارسىلاسىن جەڭە الماي كەلگەن ەدٸ. ەلوردالىق حوككەيشٸلەر سول كەتكەن ەسەنٸ قايتاردى. سونداي-اق, شىعىس كونفەرەنتسيياسىندا رەسەيدٸڭ «اۆانگارد» كومانداسىن ارتا سالىپ, ەكٸنشٸ ورىنعا كٶتەرٸلدٸ. جالپى تۋرنير كەستەسٸندە تقرتٸنشى ورىنعا جايعاستى.
ەندٸ «بارىس» قۇرلىقتىق حوككەي ليگاسى تۇراقتى كەزەڭٸندە 26 اقپاندا حاباروۆسكٸنٸڭ «امۋر» كومانداسىمەن وينايدى. ال 1 ناۋرىزدا پلەي-وفف كەزەڭٸ باستالادى. ەزٸرگە «بارىس» كومانداسىنا كٸمنٸڭ قارسىلاس اتاناتىنى بەلگٸسٸز.
