KHDR búgin tańerteń Shyǵys teńizde taǵy eki zymyran ushyrdy. Olar jaqyn qashyqtyqqa atylatyn ballistikalyq zymyran bolýy ábden múmkin, dep habarlaidy QazAqparat Yonhap agenttigine silteme jasap.
Phenian Ońtústik Koreia men Vashington arasynda ótip jatqan birlesken áskeri oqý-jattyǵýlarǵa osylai narazylyq tanytyp otyr.
Ońtústik Koreianyń qarýly kúshteri snariadtardyń jergilikti ýaqytpen tańǵy 5:24 jáne 5:36-da Ońtústik Hvanhe provintsiiasynyń shyǵys jaǵalaýynan ushyrylǵanyn rastady. Eki zymyran shamamen 450 km ushqan.
«Ońtústik Koreia jáne AQSh barlaý organdary búgingi zymyrandar sipattamasy jaǵynan KHDR 25 shildede ushyrǵan ballistikalyq zymyrandarǵa uqsaidy dep sanaidy», - deidi Ońtústik Koreia áskerileri.
«Bizdiń áskeriler ushyrylymdardyń qaitalaný jaǵdaiyna baqylaý júrgizip otyr jáne olar tolyq daiarlyq kúiine keltirildi», - dedi Koreia Respýblikasy Bastyqtar shtabynyń birlesken komitetinde.
KHDR eki aptanyń ishinde osymen tórtinshi márte zymyran ushyryp otyr. Buǵan deiingi zymyrandardyń alǵashqy legi 600 km, ekinshi retinde 250 km ushqan.
