Soltústik Koreia resmi Seýldyń AQSh-pen birge áskeri oqý júrgizip jatqanyna narazy. Olar Koreia Respýblikasy osynyń mánin túsindirmeiinshe Ońtústikpen kelissóz júrgizý nieti joq ekenin habarlady. Bul týraly Soltústik Koreianyń (KHDR) joǵary shendi diplomaty Kvon Chon Gananyń habarlamasynda aitylǵan, dep jazdy Reuters.
«Olar áskeri oqýlardy toqtatpaiynsha nemese naqty sebebin túsindirmeiinshe koreiaaralyq kontakt qiyndap ketetinin túsiný kerek», - dedi Kvon Chon Gan.
Budan bólek, diplomat Ońtústik Koreianyń KHDR zymyran synaqtaryn toqtatý týraly talabyn «sandyraq» dep esepteidi.
«AQSh prezidentiniń ózi kóptegen el jasaityn zymyran synaqtary ár egemen memlekettiń óz qaýipsizdiginiń quqyǵy ekenin aitqan bolatyn», - dedi Kvon.
Sonymen qatar, soltústikkoreialyq diplomat Ońtústik Koreiadaǵy áskeri oqýlardy «soǵysqa daiyndyq jattyǵýlary» dep atady.
