سولتٷستٸك كورەيا رەسمي سەۋلدىڭ اقش-پەن بٸرگە ەسكەري وقۋ جٷرگٸزٸپ جاتقانىنا نارازى. ولار كورەيا رەسپۋبليكاسى وسىنىڭ مەنٸن تٷسٸندٸرمەيٸنشە وڭتٷستٸكپەن كەلٸسسٶز جٷرگٸزۋ نيەتٸ جوق ەكەنٸن حابارلادى. بۇل تۋرالى سولتٷستٸك كورەيانىڭ (كحدر) جوعارى شەندٸ ديپلوماتى كۆون چون گانانىڭ حابارلاماسىندا ايتىلعان, دەپ جازدى Reuters.
«ولار ەسكەري وقۋلاردى توقتاتپايىنشا نەمەسە ناقتى سەبەبٸن تٷسٸندٸرمەيٸنشە كورەياارالىق كونتاكت قيىنداپ كەتەتٸنٸن تٷسٸنۋ كەرەك», - دەدٸ كۆون چون گان.
بۇدان بٶلەك, ديپلومات وڭتٷستٸك كورەيانىڭ كحدر زىمىران سىناقتارىن توقتاتۋ تۋرالى تالابىن «ساندىراق» دەپ ەسەپتەيدٸ.
«اقش پرەزيدەنتٸنٸڭ ٶزٸ كٶپتەگەن ەل جاسايتىن زىمىران سىناقتارى ەر ەگەمەن مەملەكەتتٸڭ ٶز قاۋٸپسٸزدٸگٸنٸڭ قۇقىعى ەكەنٸن ايتقان بولاتىن», - دەدٸ كۆون.
سونىمەن قاتار, سولتٷستٸككورەيالىق ديپلومات وڭتٷستٸك كورەياداعى ەسكەري وقۋلاردى «سوعىسقا دايىندىق جاتتىعۋلارى» دەپ اتادى.
