AQSh pen Ońtústik Koreianyń birlesken áskeri jattyǵýlary, sondai-aq amerikalyq sheneýnikterdiń málimdemeleri Qurama Shtattardyń QHDR-ge soqqy jasaitynyn kórsetip otyr, - dep habarlaidy Koreianyń ortalyq telegraf agenttigi soltústik koreialyq SIM-ge silteme jasap.
Diplomattar "QHDR-ge qarsy baǵyttalǵan amerikalyq saiasatkerlerdiń málimdemeleri men jattyǵýlary alańdatyp otyrǵanyn" atap ótti.
Soltústik Koreianyń Syrtqy ister ministrligi munyń bári QHDR-diń soǵysqa daiyndalý kerektigin bildirip otyrǵanyn málimdedi.
AQSh pen Ońtústik Koreia áskeriniń birikken jattyǵýlary 4 jeltoqsanda bastalyp, 8 jeltoqsanda aiaqtalady. BAQ málimeti boiynsha, bul eń kólemdi jattyǵý sharalary bolmaq. Áskeri jattyǵýlar Soltústik Koreianyń qarashanyń sońyndaǵy zymyran synaqtaryna bailanysty ótkizilip otyr.
Munyń aldynda Resei men Qytai Soltústik Koreiaǵa iadrolyq qarý men zymyrandardy synaýǵa moratorii jariialaýdy, al AQSh pen Ońtústik Koreiaǵa - áskeri jattyǵýlardy ótkizýdi shegerýin usynǵan. Bul aimaqtaǵy jaǵdaidy turaqtandyrý úshin jasalýy tiis shara edi, alaida, Vashington bul usynysqa qulaq aspady.
