Búgin «Qoǵamdyq kelisim» KMM uiymdastyrýymen Qazaqstan halqy Assambleiasynyń 25 jyldyǵy aiasynda oblystyq assambleianyń Analar keńesiniń keńeitilgen otyrysy ótti. Atalǵan sharany Jambyl oblysy ákimdigi Ishki saiasat basqarmasynyń «Qoǵamdyq kelisim» KMM uiymdastyrǵan, - dep habarlaidy «Ult aqparat».
Atalǵan jiynǵa Jambyl oblystyq QHA Analar keńesiniń músheleri, etnomádeni birlestikterdiń analar keńesi, aýdandyq analar keńesiniń tóraiymdary men oblystyq bilim basqarmasynyń mamandary, Jambyl óńirlik ýniversitetiniń betkeustar bilikti psihologtary, oblystyq jáne qalalyq BAQ ókilderi qatysty.
«Búginde Analar keńesi - oblys ortalyqtarynan aýyldarǵa deiin jetken úlken uiym. Analar keńesiniń aldynda turǵan jumystar óte kóp jáne san alýan. Jáne de zor jaýapkershilikti qajet etedi túsingen adamǵa. Búkil álemde qazir jańǵyrý, jahandaný protsesi júrip jatyr jáne biz oǵan mindetti túrde atsalysýymyz kerek. San qyrly jumysymyzdyń ishindegi ár etnostyń óz-ózin saqtap qalýy úshin eń negizgi jumys - tárbie. Al tárbieli balalar - bizdiń bolashaǵymyz. Búgingi tańda keńes ókilderi bizdiń oblysta bolyp jatqan barlyq is-sharalarǵa, saiasi-ideialyq, áleýmettik-mádeni jumystarǵa belsendi qatysady. QHA Analar keńesiniń maqsat, mindetteri tek igilikti istermen ainalysý», - dep esepteidi Mýhabbat Mirajapova.
Sondai-aq, «Beibitshilik pen kelisim» pilottyq jobasy aiasyndaǵy analar keńesiniń kóshpeli otyrystarynda qarastyrylǵan túitkildi máseleler de talqylandy. Buǵan qosa, qaladaǵy joǵary oqý oryndarynyń psiholog mamandary «Daǵdarys jaǵdaiynyń psihoterapiiasy» atty trening, «Emotsionaldy intellekt basqarý» taqyrybynda timbilding ótkizdi. Timbildingte pandemiia kezinde jaýapkershiligi eselene túsken analardyń daǵdarys jaǵdaidan shyǵýyna arnalǵan keńester berildi.
Keńestiń jyl boiy atqarǵan jumysyn qorytyndylaý, kóp balaly otbasylar men jastardy qoldaý boiynsha memlekettiń jańa sharalardyń júzege asýyn talqylaý, aýdandardaǵy analar keńesiniń is tájiribesimen tanystyrý, sonymen birge aýdandyq mektepterdegi balalardyń tamaqtaný máseleleri, pandemiia kezindegi stressti jaǵdailardan shyǵý joldary, analardy óz balalarynyń beibit jáne qaýipsiz bolashaǵynyń negizi retinde eldegi áleýmettik ál-aýqat, turaqtylyq, beibitshilik jáne kelisim saiasatyn qoldaýǵa shaqyrý maqsatynda uiymdastyrylǵan sharanyń igi tustary da sóz etildi.
Jiyn sońynda Analar keńesiniń belsendi músheleri alǵys hattarmen marapattalyp, olarǵa óńirlik assambleia is-sharalaryna qatysyp, etken eren eńbekteri úshin taǵaiyndalǵan syilyqtar tabystaldy.
Esterińizge sala keteiik, Taraz qalasynyń Dostyq úiinde Jambyl oblysy ákimdigi Ishki saiasat basqarmasynyń «Qoǵamdyq kelisim» KMM uiymdastyrýymen Qazaqstan halqy Assambleiasynyń 25 jyldyǵy aiasynda oblystyq assambleianyń Analar keńesiniń keńeitilgen otyrysy ótti. Jiynǵa Jambyl oblystyq QHA Analar keńesiniń músheleri, etnomádeni birlestikterdiń analar keńesi, aýdandyq analar keńesiniń tóraiymdary men oblystyq bilim basqarmasynyń mamandary, Jambyl óńirlik ýniversitetiniń betkeustar bilikti psihologtary, oblystyq jáne qalalyq BAQ ókilderi qatysty.
