Etnomádeni birlestikterdiń qyzmetin ádistemelik qamtamasyz etý maqsatynda onlain uiymdastyrylǵan Qazaqstan halqy Assambleiasy etnomádeni birlestikteri ókilderine arnalǵan praktikalyq seminar-treningte QHA etnomádeni birlestikterdiń qyzmetin ádistemelik qamtamasyz etý máselesin kóterdi, - dep habarlaidy «Ult aqparat».
QR AQDM Etnosaralyq qatynastardy damytý komitetiniń tóraǵasy B.Majaǵulov, QR AQDM «Qoǵamdyq kelisim» RMM direktorynyń orynbasary H.Erseiitova, sondai-aq respýblikalyq jáne óńirlik etnomádeni birlestikterdiń ókilderi qatysqan sharada memleket pen úkimettik emes uiymdardyń qoǵamdyq kelisim men birlikti qamtamasyz etý jónindegi ózara is-qimyl tetikteri, janjaldardy sheshý máseleleri qaraldy.
Seminar-treningte QR Aqparat jáne qoǵamdyq damý ministrligi Qoldanbaly etnosaiasi zertteýler institýty direktorynyń orynbasary, Assambleianyń Ǵylymi-sarapshylyq keńesiniń tóraiymy, áleýmettaný ǵylymdarynyń doktory Aigúl Sádýaqasova «Intermádeniettilik jáne janjaldardyń aldyn alý» máselesin qozǵady.
«Qazirgi álem qalyptasqan qoǵamdardaǵy etnikalyq, dini, mádeni kórinistiń kúrdelenýine áser etetin jahandyq jáne kóshi-qon protsesteriniń kúsheiýi kezeńi retinde sipattalady. Álemdik qoǵamdastyq mádeni integratsiiany qazirgi zamannyń syn-tegeýrinderinen ótý jáne naqty damý modelderine shyǵý múmkindigi retinde qabyldaidy. Kommýnikatsiia quraly – til máselesi. Memlekettik til adamnyń mártebesin jáne memlekettiń biregeiligin aiqyndaidy», - dedi áleýmettaný ǵylymdarynyń doktory Aigúl Sádýaqasova.
Seminar barysynda spikerler retinde QR AQDM Qoldanbaly etnosaiasi zertteýler institýty direktorynyń orynbasary, QHA ǵylymi-saraptamalyq keńesiniń tóraǵasy A.Sadvokasova, QHA keńesiniń múshesi Sh.Ismailov jáne «Vozrojdenie» nemister qoǵamy» QB tóraǵasynyń orynbasary, joba menedjeri E.Gizik sóz sóiledi.
«Búgingi jiynda talqylanyp otyrǵan máseleler men usynystar Qazaqstan halqy Assambleiasyeyń múshelerine ǵana emes, kúlli qazaqstandyqtarǵa ortaq másele dep bilemin. Assableia bul tarapta kishkene bolsyn óz úlesin qosý maqsatynda osyndai igi sharalardy uiymdastyra beredi dep senemin», - dedi QR AQDM Qoldanbaly etnosaiasi zertteýler institýty direktorynyń orynbasary, QHA ǵylymi-saraptamalyq keńesiniń tóraǵasy A.Sadvokasova.
Áleýmettik jelilerde tikelei transliatsiia jasaityn onlain is-sharalardy (konferentsiialar, dóńgelek ústelder, kontsertter, sabaqtar, dárister jáne t.b.) uiymdastyrý boiynsha sheberlik sabaǵyn ótkizgen QHA Keńesiniń múshesi, QHA LIVE jobasynyń jetekshisi Shavkat Ismailov qatysýshylarǵa zamanǵa ilese otyryp, jańa tehnologiialar men baǵdarlamalardy qoldaný, ǵalamtor áleminde sapaly kontent usyný, internet-resýrstarda jumys isteý tásilderi týraly tájiribesimen bólisti.
Qatysýshylar intermádeniettilik teoriiasy jáne janjaldy jaǵdailardyń aldyn alý boiynsha oqytýdan ótti, sondai-aq áleýmettik jelilerde tikelei transliatsiiamen túrli formattaǵy onlain-is-sharalardy uiymdastyrý boiynsha master-klass ótkizildi.
Sonymen qatar, seminar barysynda Assambleianyń áleýmettik-mańyzdy jáne mádeni-aǵartýshylyq jobalaryn iske asyrýdy kózdeitin «Qoǵamdyq kelisim» mekemeleriniń etnomádeni birlestiktermen ózara is-qimyl josparlary talqylandy.
Esterińizge sala keteiik, búgin etnomádeni birlestikterdiń qyzmetin ádistemelik qamtamasyz etý maqsatynda onlain uiymdastyrylǵan Qazaqstan halqy Assambleiasy etnomádeni birlestikteri ókilderine arnalǵan praktikalyq seminar-treningte QHA etnomádeni birlestikterdiń qyzmetin ádistemelik qamtamasyz etý máselesin kóterdi. Sonymen qatar, atalǵan shara aiasynda memleket pen úkimettik emes uiymdardyń qoǵamdyq kelisim men birlikti qamtamasyz etý jónindegi ózara is-qimyl tetikteri, janjaldardy sheshý máseleleri qaraldy.
