Qyzylorda Qazaqstan halqy Assambleiasy hatshylyǵynyń meńgerýshisi Jaǵypar Tajmahanov, «Qoǵamdyq kelisim» KMM direktory Azamat Mýkeev, oblystyq etnomádeni birlestiktiń jetekshileri, belsendi músheleri men BAQ ókilderi qatysýymen oblystyq Korei etnomádeni birlestiginiń qurylǵanyna 30 jyldyǵy toilandy, - dep habarlaidy «Ult aqparat».
Dostyq úiiniń foiesinde kelgen qonaqtarǵa erekshe kórme uiymdastyryldy. Onda koreilerdiń qazaq eline kelý tarihynan syr shertetin kóne buiymdary, ulttyq taǵamdary, salt-dástúri men mádenieti tanystyryldy.
Atalǵan merekelik sharada Jaǵypar Tajmahanov sóz sóilep, eldegi etnosaralyq birlikti nyǵaitýdyń mańyzdylyǵyn atap, óńirdiń damýy men órkendeýine erekshe úles qosqan korei etnosynyń ókilderi Ge Hak Rim, Viktoriia Iýgai, Illarion Li, Elena Tsoi, Zinaida Kim, Grom Li jáne Iýrii Kimge Qazaqstan halqy Assambleiasynyń 25 jyldyq medali men izgi tilekke toly Alǵys hattardy tabystady.
Munan soń led ekrannan Korei Respýblikasynyń Qazaqstandaǵy tótenshe jáne ókiletti elshisi Ký Hong-Sok, respýblikalyq koreiler qaýymdastyǵy prezidenti Sergei Ogai, «Qaraǵandy oblystyq koreiler etnomádeni birlestigi» qoǵamdyq birlestiginiń jetekshisi Liliia Kim jáne Mańǵystaý oblystyq «Choson» korei etnomádeni birlestiginiń jetekshisi Raisa Madenova ystyq yqylaspen joldanǵan beine quttyqtaýlary tyńdaldy.
Odan bólek, birlestiktiń ardagerleri tarapynan korei halqynyń tarihy, olardyń elimizge qonys aýdarǵany, táýelsizdik jyldarynda jetken jetistikteri men belgili tulǵalary týraly estelikter aitylyp, ártúrli janrdaǵy bi, án, óleńder oryndaldy.
Sonymen birge, «Qazaqstan koreiler qaýymdastyǵy» Qyzylorda oblystyq qoǵamdyq birlestiginiń jetekshisi Elena Kim birlestiktiń yntymaq pen dostyqtyń nátijesinde 30 jylda jetken jetistikteri men igilikke toly izgi jumystaryna toqtaldy. Ortalyqtyń belsendi ókilderi men onyń qurylýyna zor eńbegi sińgen tulǵalarǵa qoshemet bildirip, «Qazaqstan koreiler qaýymdastyǵynyń 30 jyldyq» medalimen marapattady. Sondai-aq oblystyq Assambleia hatshylyǵyna Korei elshisiniń syilyǵyn tabystady.
Aita ketý kerek, «Qazaqstan koreiler qaýymdastyǵy» Qyzylorda oblystyq qoǵamdyq birlestigi 1989 jyly 28 qazanda quryldy. Búgingi kúni elimizde 100 myńnan astam koreiler ómir súrýde. Al Syr óńirinde 8 myńǵa jýyq korei ókilderi tatý tátti, birlik pen yntymaqta ǵumyr keship keledi.
Esterińizge sala keteiik, Qyzylorda Qazaqstan halqy Assambleiasy hatshylyǵynyń meńgerýshisi Jaǵypar Tajmahanov, «Qoǵamdyq kelisim» KMM direktory Azamat Mýkeev, oblystyq etnomádeni birlestiktiń jetekshileri, belsendi músheleri men BAQ ókilderi qatysýymen oblystyq Korei etnomádeni birlestiginiń qurylǵanyna 30 jyldyǵy toilandy. Dostyq úiiniń foiesinde kelgen qonaqtarǵa erekshe kórme uiymdastyryldy. Onda koreilerdiń qazaq eline kelý tarihynan syr shertetin kóne buiymdary, ulttyq taǵamdary, salt-dástúri men mádenieti tanystyryldy.
