Túrki halyqtary úshin aq oramaldyń orny erekshe. Aq sóziniń qadir-qasieti joǵary. Osy oraida Qazaqstan halqy Assambleiasy «Aq oramal» atty aktsiia bastaǵan bolatyn. Atalǵan aktsiiaǵa úles qosý maqsatynda «Aq oramal – asyl analardyń amanaty» tárbielik is-shara ótkizdi, - dep habarlaidy «Ult aqparat».
Atalǵan sharaǵa Aqtóbe oblysyna belgili 106 jastaǵy ana Jakibai Bisenǵalieva qatysyp, analarǵa taǵylymdy áńgimesin aitty.
«Búgingi sharanyń ataýynyń ózi qandai ádemi edi. Men myna júzden asqan shaǵymda oramalymdy ǵana serik etip otyrǵan ájelerińmin ǵoi. Aq jaýlyqtyń qadir-qasietin menen artyq eshkim bile qoimas. Ótken ǵasyrda 16 jasymda basyma aq jaýlyq salynyp, aq kelin atanǵanmyn. Sodan beri jaýlyǵym basymnan túsken emes. Odan keiin ózim de talai kelinge oramal saldym. Shúkir, bári ósip-óngen aiaýly analarǵa ainaldy. Qaraqtarym, aqylyń bolsa, oramaldyń qadirin bilińder. Aq jaýlyqty ana degen aiaýly sózge kir keltirmeý kerek», - dedi 106 jastaǵy ana Jakibai Bisenǵalieva.
Atalǵan sharaǵa «Analar Keńesiniń» músheleri, oblystyq tarihi-ólketaný múzei qyzmetkerleri, kóp balaly analar jas pedagogtar qatysty. Is-shara barysynda eldi birlikke, beibitshilikke úndeitin «Aq oramal» aktsiiasynyń simvoly - ómirdiń, ana men beibitshiliktiń simvoly aq, kirshiksiz oramal týraly tolyqqandy áńgimeni «Analar Keńesiniń» múshesi B.Jetesova bastady.
«Aq oramal bar baqyttyń bastaýy dep bilemin. Pále-jaladan saqtap, otbasyna qýanysh syilaidy. Árbir ana, árbir ene, árbir áje, árbir kelin ańsaǵan, árbir qyz armandaǵan aq oramaldyń qadiri erekshe. Sonymen birge, dástúrlerdiń bastaýy. Basyńda oramal turǵanda úlkenniń aldyn kesip ótpeisiń, kishige daýys kótermeisiń. Oramal sonysymen de erekshe. Biyl respýblika kóleminde uiymdastyrylyp jatqan «Aq oramal» barsha qyz-kelinshekterge oi salǵany sózsiz. Búgingi bizdiń sharaǵa qatysýshylardyń barlyǵyna da sheksiz alǵysymdy bildiremin», - dedi «Analar Keńesiniń» múshesi B.Jetesova.
Qatysýshylar aq tús qazaq halqy úshin jannyń tazalyǵyn, keńdigin, ana sútimen sińgen aq degen uǵymnyń máni tereńde ekendigin kórsetkendei boldy.
«Aq oramal- asyl analardyń amanaty» degendei «Analar Keńesiniń» jetekshisi R.Sergalina, tóraǵasy J.Kalieva, músheleri A.Sarybai, B.Jetesova jas pedagogtarǵa aqyl-keńesterin jetkizip, bizge keregi – beibitshilik degendei, jas urpaqqa amanat retinde ana jaýlyǵyna kir juqtyrmai, el birligi úshin tynbai eńbek etip, ortaq úiimizde beibitshilik pen yntymaq bolý úshin, biz barlyǵymyz rýhani nár alyp, kúsheiip, birigýimiz qajet ekendigin atap ótip, jas kelinderge aq oramal saltanatty túrde tabystaldy.
«Búgingi sharada jas kelinderge aq oramaldy saltanatty túrde tapsyrýymyzdyń maqsaty – aq oramaldyń qadirin arttyrý. Bul aktsiia kópke qýanysh syilap jatqany sózsiz. Búgingi sharaǵamyzǵa 106 jastaǵy Jakibai anamyzdyń óziniń qatysýy qandai mártebe deseńizshi. Aq oramal qazaq halqynyń ǵana emes, túrki elderiniń erekshe qadir tutatyn zaty. «Anamnyń aq jaýlyǵy» degen sózdiń ózinde qandai mán, qandai maǵyna jatyr deseńizshi. Búgingi jastar osyndai sharalardan kóp tálim-tárbie alady dep senemin», - dedi «Analar Keńesiniń» jetekshisi R.Sergalina.
Al «Analar Keńesiniń» tóraǵasy J.Kalievanyń aitýynsha, mundai sharalar jastarǵa ǵana emes, barsha úlken-kishige qajet dúnie. Óitkeni oramaldyń kiesi, oramaldyń bereri óte mol.
«Búgingi tańda respýblika kóleminde ótip jatqan «Aq oramal» aktsiiasy barsha qazaqstandyqtar úshin óte jyly shara dep bilemin. Meniń basymdaǵy aq oramal anamnan qalǵan. Keibir elinder enesiniń syilaǵanyn, qyzdar anasynyń taqqanyn kózindei kórip, saqtap jatady. Bql óte durys. Óitkeni aq oramaldyń kiesi bar. Men soǵan senemin», - dedi «Analar keńesiniń» múshesi músheleri A.Sarybai.
Esterińizge sala keteiik, Qazaqstan halqy Assambleiasy «Aq oramal» atty aktsiia bastaǵan bolatyn. Atalǵan aktsiiaǵa úles qosý maqsatynda «Aq oramal – asyl analardyń amanaty» tárbielik is-shara ótkizdi. Túrki halyqtary úshin aq oramaldyń orny erekshe. Aq sóziniń qadir-qasieti joǵary. Atalǵan sharaǵa Aqtóbe oblysyna belgili 106 jastaǵy ana Jakibai Bisenǵalieva, Analar Keńesiniń» músheleri, oblystyq tarihi-ólketaný múzei qyzmetkerleri, kóp balaly analar jas pedagogtar qatysty. Qatysýshylar aq tús qazaq halqy úshin jannyń tazalyǵyn, keńdigin, ana sútimen sińgen aq degen uǵymnyń máni tereńde ekendigin kórsetkendei boldy.
