تٷركٸ حالىقتارى ٷشٸن اق ورامالدىڭ ورنى ەرەكشە. اق سٶزٸنٸڭ قادٸر-قاسيەتٸ جوعارى. وسى ورايدا قازاقستان حالقى اسسامبلەياسى «اق ورامال» اتتى اكتسييا باستاعان بولاتىن. اتالعان اكتسيياعا ٷلەس قوسۋ ماقساتىندا «اق ورامال – اسىل انالاردىڭ اماناتى» تەربيەلٸك ٸس-شارا ٶتكٸزدٸ, - دەپ حابارلايدى «ۇلت اقپارات».
اتالعان شاراعا اقتٶبە وبلىسىنا بەلگٸلٸ 106 جاستاعى انا جاكيباي بيسەنعاليەۆا قاتىسىپ, انالارعا تاعىلىمدى ەڭگٸمەسٸن ايتتى.
«بٷگٸنگٸ شارانىڭ اتاۋىنىڭ ٶزٸ قانداي ەدەمٸ ەدٸ. مەن مىنا جٷزدەن اسقان شاعىمدا ورامالىمدى عانا سەرٸك ەتٸپ وتىرعان ەجەلەرٸڭمٸن عوي. اق جاۋلىقتىڭ قادٸر-قاسيەتٸن مەنەن ارتىق ەشكٸم بٸلە قويماس. ٶتكەن عاسىردا 16 جاسىمدا باسىما اق جاۋلىق سالىنىپ, اق كەلٸن اتانعانمىن. سودان بەرٸ جاۋلىعىم باسىمنان تٷسكەن ەمەس. ودان كەيٸن ٶزٸم دە تالاي كەلٸنگە ورامال سالدىم. شٷكٸر, بەرٸ ٶسٸپ-ٶنگەن اياۋلى انالارعا اينالدى. قاراقتارىم, اقىلىڭ بولسا, ورامالدىڭ قادٸرٸن بٸلٸڭدەر. اق جاۋلىقتى انا دەگەن اياۋلى سٶزگە كٸر كەلتٸرمەۋ كەرەك», - دەدٸ 106 جاستاعى انا جاكيباي بيسەنعاليەۆا.
اتالعان شاراعا «انالار كەڭەسٸنٸڭ» مٷشەلەرٸ, وبلىستىق تاريحي-ٶلكەتانۋ مٷزەي قىزمەتكەرلەرٸ, كٶپ بالالى انالار جاس پەداگوگتار قاتىستى. ٸس-شارا بارىسىندا ەلدٸ بٸرلٸككە, بەيبٸتشٸلٸككە ٷندەيتٸن «اق ورامال» اكتسيياسىنىڭ سيمۆولى - ٶمٸردٸڭ, انا مەن بەيبٸتشٸلٸكتٸڭ سيمۆولى اق, كٸرشٸكسٸز ورامال تۋرالى تولىققاندى ەڭگٸمەنٸ «انالار كەڭەسٸنٸڭ» مٷشەسٸ ب.جەتەسوۆا باستادى.
«اق ورامال بار باقىتتىڭ باستاۋى دەپ بٸلەمٸن. پەلە-جالادان ساقتاپ, وتباسىنا قۋانىش سىيلايدى. ەربٸر انا, ەربٸر ەنە, ەربٸر ەجە, ەربٸر كەلٸن اڭساعان, ەربٸر قىز ارمانداعان اق ورامالدىڭ قادٸرٸ ەرەكشە. سونىمەن بٸرگە, دەستٷرلەردٸڭ باستاۋى. باسىڭدا ورامال تۇرعاندا ٷلكەننٸڭ الدىن كەسٸپ ٶتپەيسٸڭ, كٸشٸگە داۋىس كٶتەرمەيسٸڭ. ورامال سونىسىمەن دە ەرەكشە. بيىل رەسپۋبليكا كٶلەمٸندە ۇيىمداستىرىلىپ جاتقان «اق ورامال» بارشا قىز-كەلٸنشەكتەرگە وي سالعانى سٶزسٸز. بٷگٸنگٸ بٸزدٸڭ شاراعا قاتىسۋشىلاردىڭ بارلىعىنا دا شەكسٸز العىسىمدى بٸلدٸرەمٸن», - دەدٸ «انالار كەڭەسٸنٸڭ» مٷشەسٸ ب.جەتەسوۆا.
قاتىسۋشىلار اق تٷس قازاق حالقى ٷشٸن جاننىڭ تازالىعىن, كەڭدٸگٸن, انا سٷتٸمەن سٸڭگەن اق دەگەن ۇعىمنىڭ مەنٸ تەرەڭدە ەكەندٸگٸن كٶرسەتكەندەي بولدى.
«اق ورامال- اسىل انالاردىڭ اماناتى» دەگەندەي «انالار كەڭەسٸنٸڭ» جەتەكشٸسٸ ر.سەرگالينا, تٶراعاسى ج.كاليەۆا, مٷشەلەرٸ ا.سارىباي, ب.جەتەسوۆا جاس پەداگوگتارعا اقىل-كەڭەستەرٸن جەتكٸزٸپ, بٸزگە كەرەگٸ – بەيبٸتشٸلٸك دەگەندەي, جاس ۇرپاققا امانات رەتٸندە انا جاۋلىعىنا كٸر جۇقتىرماي, ەل بٸرلٸگٸ ٷشٸن تىنباي ەڭبەك ەتٸپ, ورتاق ٷيٸمٸزدە بەيبٸتشٸلٸك پەن ىنتىماق بولۋ ٷشٸن, بٸز بارلىعىمىز رۋحاني نەر الىپ, كٷشەيٸپ, بٸرٸگۋٸمٸز قاجەت ەكەندٸگٸن اتاپ ٶتٸپ, جاس كەلٸندەرگە اق ورامال سالتاناتتى تٷردە تابىستالدى.
«بٷگٸنگٸ شارادا جاس كەلٸندەرگە اق ورامالدى سالتاناتتى تٷردە تاپسىرۋىمىزدىڭ ماقساتى – اق ورامالدىڭ قادٸرٸن ارتتىرۋ. بۇل اكتسييا كٶپكە قۋانىش سىيلاپ جاتقانى سٶزسٸز. بٷگٸنگٸ شاراعامىزعا 106 جاستاعى جاكيباي انامىزدىڭ ٶزٸنٸڭ قاتىسۋى قانداي مەرتەبە دەسەڭٸزشٸ. اق ورامال قازاق حالقىنىڭ عانا ەمەس, تٷركٸ ەلدەرٸنٸڭ ەرەكشە قادٸر تۇتاتىن زاتى. «انامنىڭ اق جاۋلىعى» دەگەن سٶزدٸڭ ٶزٸندە قانداي مەن, قانداي ماعىنا جاتىر دەسەڭٸزشٸ. بٷگٸنگٸ جاستار وسىنداي شارالاردان كٶپ تەلٸم-تەربيە الادى دەپ سەنەمٸن», - دەدٸ «انالار كەڭەسٸنٸڭ» جەتەكشٸسٸ ر.سەرگالينا.
ال «انالار كەڭەسٸنٸڭ» تٶراعاسى ج.كاليەۆانىڭ ايتۋىنشا, مۇنداي شارالار جاستارعا عانا ەمەس, بارشا ٷلكەن-كٸشٸگە قاجەت دٷنيە. ٶيتكەنٸ ورامالدىڭ كيەسٸ, ورامالدىڭ بەرەرٸ ٶتە مول.
«بٷگٸنگٸ تاڭدا رەسپۋبليكا كٶلەمٸندە ٶتٸپ جاتقان «اق ورامال» اكتسيياسى بارشا قازاقستاندىقتار ٷشٸن ٶتە جىلى شارا دەپ بٸلەمٸن. مەنٸڭ باسىمداعى اق ورامال انامنان قالعان. كەيبٸر ەلٸندەر ەنەسٸنٸڭ سىيلاعانىن, قىزدار اناسىنىڭ تاققانىن كٶزٸندەي كٶرٸپ, ساقتاپ جاتادى. بقل ٶتە دۇرىس. ٶيتكەنٸ اق ورامالدىڭ كيەسٸ بار. مەن سوعان سەنەمٸن», - دەدٸ «انالار كەڭەسٸنٸڭ» مٷشەسٸ مٷشەلەرٸ ا.سارىباي.
ەستەرٸڭٸزگە سالا كەتەيٸك, قازاقستان حالقى اسسامبلەياسى «اق ورامال» اتتى اكتسييا باستاعان بولاتىن. اتالعان اكتسيياعا ٷلەس قوسۋ ماقساتىندا «اق ورامال – اسىل انالاردىڭ اماناتى» تەربيەلٸك ٸس-شارا ٶتكٸزدٸ. تٷركٸ حالىقتارى ٷشٸن اق ورامالدىڭ ورنى ەرەكشە. اق سٶزٸنٸڭ قادٸر-قاسيەتٸ جوعارى. اتالعان شاراعا اقتٶبە وبلىسىنا بەلگٸلٸ 106 جاستاعى انا جاكيباي بيسەنعاليەۆا, انالار كەڭەسٸنٸڭ» مٷشەلەرٸ, وبلىستىق تاريحي-ٶلكەتانۋ مٷزەي قىزمەتكەرلەرٸ, كٶپ بالالى انالار جاس پەداگوگتار قاتىستى. قاتىسۋشىلار اق تٷس قازاق حالقى ٷشٸن جاننىڭ تازالىعىن, كەڭدٸگٸن, انا سٷتٸمەن سٸڭگەن اق دەگەن ۇعىمنىڭ مەنٸ تەرەڭدە ەكەندٸگٸن كٶرسەتكەندەي بولدى.
