Elimizde 3 myńnam astam áiel daǵdarys ortalyǵyna jiberildi. Bul týraly IIM Ákimshilik politsiia komiteti tóraǵasynyń orynbasary Aleksei Miliýk málim etti, dep habarlaidy QazAqparat.
«Biyl túrli qiyn jaǵdaida tap bolǵan 3 myńnan astam áiel daǵdarys ortalyǵyna jiberildi. Jalpy, ortalyq qyzmetin alǵysy kelgen azamatshalar óz betinshe nemese tártip saqshylary arqyly júgine alady. Daǵdarys ortalyǵy otbasylyq zorlyq-zombylyq kórgen nemese ómirde túrli qiyndyqtarǵa ushyraǵan áielderge qol ushyn sozýǵa daiyn», - dedi A. Miliýk IIM-de onlain ótken baspasóz máslihatynda.
Onyń aitýynsha, búginde elimizde 49 daǵdarys ortalyǵy jumys istep tur, onyń 39-nyń ýaqytsha baspanasy bar.
«El aýmaǵyndaǵy barlyq daǵdarys ortalyqtarynyń tizimi men bailanys telefondaryn ministrliktiń jáne óńirlerdegi politsiia departamentteriniń resmi saitynan tabýǵa bolady», - deidi ol.
