El Prezidenti Qasym-Jomart Toqaev «Nur Otan» partiiasyna naǵyz kóshbasshylardy belsendirek tartýdy tapsyrdy, dep habarlaidy QazAqparat.
«Alda mynadai basymdyqtarǵa basa nazar aýdarý mindeti tur. Birinshi – partiia qataryndaǵy yntymaqtastyqty nyǵaitý, qoǵamnyń barlyq qurylymdyq kúshterin biriktirý. Partiia óz qataryna ártúrli qoǵamdyq-saiasi toptardyń ókilderin, otandastardyń senimine ie naǵyz kóshbasshylardy belsendirek tartýy kerek. Ókinishke qarai, partiiada mundai adamdardyń jetkiliksiz ekenin kórdik», - dedi Memleket basshysy Nur Otan partiiasynyń kezekten tys XXI sezinde.
Prezidenttiń aitýynsha, qiyn sátte partiianyń barlyq aýqymdy kadrlyq jáne adami áleýeti, onyń barlyq tarmaqtalǵan infraqurylymy tolyq iske qosylmady.
«Nur Otan» shynaiy isterdiń partiiasy bola otyryp, oqiǵalardyń bel ortasynda jáne protsesterdiń aldyńǵy shebinde bolýy tiis. Endi syrttan baqylaýshynyń pozitsiiasynda júrýge bolmaidy», - dedi Toqaev.
