Esep komitetiniń tóraǵasy Natalia Godýnova memlekettik biýdjetti josparlaýdy synǵa aldy, - dep habarlaidy Tengrinews.kz.
"Birden máselelerge kósheiin. Biýdjet bir jylǵa túsiniksiz sebeptermen shyǵyndarǵa qarajat jetispeitindei etip josparlanǵan. Bul qisynsyz, ásirese, damý biýdjeti bar ekenin eskersek - 8 paiyz nemese 1,2 trillion teńge. Eger kommýnaldyq qyzmetterdi tóleýge aqsha jetkiliksiz bolsa, páterdi jóndeýdi josparlamaimyz ǵoi", - dedi spiker.
Onyń aitýynsha, biýdjetti josparlaýda Memleket basshysynyń bastamalary erekshe.
"Memleket osy aǵymdaǵy shyǵyndarǵa Ulttyq qordan resýrs bólýge májbúr. Jobalar sanyn kóbeitý úshin joldardyń jobalyq-smetalyq qujattamasyn ázirleýge 50 milliondap biýdjet qarajatyn bólemiz. Kiristiń úshten birinen astamy - 36 paiyzy Ulttyq qor esebinen qalyptasady. Sońǵy úsh jylda bul kórsetkish joǵary. Al salyqtyq ákimshilendirý arqyly memleket qazynasyn tolyqtyrý rezervi aiqyn. Ókinishke qarai, biyl memlekettik aýdit salyq jáne kedendik ákimshilendirýdiń ulǵaiýyna bailanysty Memlekettik kirister komiteti jariialaǵan qosymsha túsimderdi rastamady. Jariialanǵannan 1,8 ese az - 680 milliad teńgeniń 278-in rastai aldyq", - dep qosty Godýnova.
