Shyǵys Qazaqstan oblysynda kisi óltirdi dep kúdiktelgen azamat joǵary laýazymdy sheneýnikterdiń týysy bolýy múmkin dep habarlaidy "Ult Aqparat".
"Qurmetti prezident Qasym-Jomart Kemeluly Toqaev, Bas prokýror Berik Asylov, ishki ister ministri Erjan Sádenov, Men Sultanova Saia Jaraskyzy, qaza tapqan Kósherov Jaras Sultanulynyń qyzymyn. Quqyq qorǵaý organdary búgingi kúnge deiin qol qýsyryp otyrǵandyqtan sizderden kómek suraimyn", - dedi marqumnyń qyzy beineótinishte.
2 naýryzda Shyǵys Qazaqstan oblysy Marqakól aýdany Qaljyr aýylynda Jaras Akýsherov esimdi jergilikti turǵyn qaza taýyp, týystary buǵan buryn osyǵan uqsas qylmyspen isti bolǵan Baýyrjan Nurmuhanovtan kúdiktenedi.
"Nurmuhanovtyń aǵasy-Nurmuhanov Baqyt Maratuly Konstitýtsiialyq sot tóraǵasynyń orynbasary, basqa aǵasy Murat Nurmuhanov prokýratýranyń qyzmetkeri. Kúrshim bóliminiń bastyǵy Nurmuhanovtar otbasymen jaqsy qarym-qatynasta. Aýdan prokýratýrasynyń orynbasary - kúdiktiniń tanysy, ol máiithanada jáne kýágerlerden jaýap alý kezinde bolǵan", - dedi týystary.
Olar qylmystyq istiń kisi óltirý faktisi boiynsha emes, "densaýlyqqa aýyr ziian keltirý" retinde tirkelgenine osy jaǵdai sebep dep sanaidy.
"Kisi óltirý 2 naýryzda bolǵan, biraq búgingi kúnge deiin Nurmuhanov Baýyrjan áli ustalǵan joq jáne kúdikti dep tanylǵan joq, biraq kýáger. Eshqandai is-qimyl jasalyp jatqan joq", - dedi marqumnyń qyzy.
