Almaty qalasy Alataý aýdanynyń prokýratýrasy TikTok áleýmettik jelisindegi monitoring barysynda 7-10 jastaǵy kámeletke tolmaǵan qyzdardyń eresek er adammen hat almasý deregi anyqtalǵanyn málimdedi, - dep habarlaidy Tengrinews.kz agenttigi.
Tártip saqshylary 27 jastaǵy Aqtóbe oblysynyń turǵynyn anyqtap, ustady.
Vedomstvo málimetinshe, er adam balalarǵa aqsha usynyp, jalańash sýretterin júktep, ata-analaryna bul týraly aitpaýdy suraǵan. Ol túsken sýretterdi sheteldik áleýmettik jelilerde jariialap otyrǵan.
"Kúdiktiniń áreketi Qylmystyq kodekstiń 312-babynyń 3-bóliginiń 2-tarmaǵy "Kámeletke tolmaǵandardyń pornografiialyq sýretteri bar materialdardy daiyndaý jáne taratý" boiynsha aldyn ala saralanyp jatyr. Qazir kúdikti ustalyp, ýaqytsha ustaý izoliatoryna qamaldy. Ol 10 jyldan 15 jylǵa deiin bas bostandyǵynan aiyrylýy múmkin. Is boiynsha protsessýaldyq prokýror taǵaiyndalyp, qajetti tergeý áreketteri júrgiziledi", - dep habarlady Almaty prokýratýrasynyń baspasóz qyzmeti.
Sondai-aq, tártip saqshylary ata-analardan balalarynyń áleýmettik jelilerde ne isteitinin muqiiat baqylaýdy surady.
