Almaty ákimi Baqytjan Saǵyntaev ózen arnalaryn, skverler men saiabaqtardy, sonymen qatar, mańyzdy sáýlet qurylystarynyń qoǵamdyq keńistikterin aralady, dep habarlaidy "Ult aqparat".
Baqytjan Saǵyntaev Kishi Almaty men Esentai ózenderiniń sý bólý gidrotehnikalyq qurylysyn aralady.
Munda Baqytjan Saǵyntaevtyń tapsyrmasy boiynsha sý deńgeiin ólsheý úshin avtomattandyrylǵan qondyrǵylar ornatylady. Sonymen qatar, tsifrlandyrylǵan sharýashylyq júrgiziledi. Bul sý deńgeii týraly jedel aqparat alyp, sel qaýpi tóngen jaǵdaida shara qoldanyp, ózen arnasyndaǵy sýdy baqylaýda ustap otyrýǵa múmkindik beredi. Odan bólek, tsifrlandyrý málimetter bazasyn qurýǵa múmkindik beredi, onyń negizinde ózenniń maýsymdyq jaǵdaiyna taldaý júrgiziletin bolady. Osylaisha, qala turǵyndarynyń sel qaýipsizdigi qamtamasyz etiledi.
Jumys sapary barysynda megapolis ákimi Esentai ózeni arnasynyń Jamaqaev kóshesinen bastap uzyndyǵy 4,2 shaqyrym bolatyn sý qorǵaý jolaǵy men sý bólýge deiingi aralyqty rekonstrýktsiialaý jobasymen tanysty. Munda arnany keńeitý jáne tereńdetý boiynsha daiyndyq jumystary júrgizilgen.
Nóser jańbyr saldarynan sý deńgeiiniń kóterilýine bailanysty keibir jerlerde gabion qurylymdary qulaǵan. Osyǵan orai Baqytjan Saǵyntaev tireý qurylymdaryn montajdaǵan oryndaýshylardy jaýapkershilikke tartýdy tapsyrdy. Almaty ákimi eń berik qurylys materialdaryn paidalanýdy tapsyrdy.
Odan bólek, Baqatjan Saǵyntaev jaiaý júrginshi joly konstrýktsiiasyn baspaldaqsyz etip ózgertý qajettigine nazar aýdardy. Osylaisha, tóselgen jolaqta serýendeý, ásirese koliaskada balasy bar analar úshin yńǵaily bolmaq.
Jaiaý júrginshi aimaǵy boiyna 350 syrtqy jaryqtandyrý tiregi, kishi sáýlet formalary, qoqys tógetin jáshikter, balalar oiyn alańdary men ótpeli kópir ornatylatyn bolady.
Megapolis ákimi Tereńqurdaǵy jóndeý jumystarynyń sapasymen tanysty. Onyń aitýynsha, osy jaiaý júrginshi baǵyty serýendeý aimaqtaryn qurýdyń úlgisi bolý qajet.
Tereńqurdy abattandyrý Kishi Almaty ózeni arnasy, sý bólýden bastap Dostyq dańǵylynan M. Maqataev kóshesindegi gidrotehnikalyq qurylǵylardy qamtidy. Jer teliminiń uzyndyǵy – 8,9 shaqyrym. Arnany tazalaý men bekitý boiynsha negizgi jumystar atqaryldy. Endi irgeles aimaqty abattandyrý jumystary jalǵasýda. Anyqtalǵan kemshilikterden keiin merdiger óz esebinen asfalt tósep, bordiýrdi aýystyrady. Endi 11 balalar men sport alańdaryn, oryndyqtar, ýrnalar, modýldi sanitarlyq qondyrǵylar, sý ishýge bolatyn sý burqaqtar ornatý qaldy. Odan bólek, ózenge Táttimbet kóshesinen Tereńqurǵa túsetin, bes jaiaý júrginshi kópiri uiymdastyrylady.
Almaty ákimi Baqytjan Saǵyntaev jaryqtandyrý men kóshe jihazyn tańdaýda jailylyqty, praktikalyq, estetikany jáne landshafttyń qorshaǵan ortamen úilesimdiligine mán berýdi tapsyrdy. Degenmen, oryndyq modelin yńǵailylyǵyna qarai qala turǵyndarynyń ózderi anyqtaǵany mańyzdy.
Sonymen qatar, Baqytjan Saǵyntaev Kishi Almaty ózeniniń Dostyq kóshesinen tómen Gogol kóshesine deiingi aimaqty jóndeý jumystarymen tanysty.
Megapolis ákimi «Drýjba» skverin kógaldandyrý men abattandyrý, sondai-aq, Timiriazev kóshesindegi qurylysqa nemquraily qaraǵan merdigerdiń kesirinen paidalanýǵa berilý merzimi sozylyp ketken «Drýjba» saiabaǵynyń jumysynyń sapasyn baǵalady. Ákimniń tapsyrysy boiynsha barlyq jumystar 15 mamyrǵa deiin aiaqtalýy tiis. Bul rette tiisti organdar merdigerge qatysty kelisimshart talaptaryn buzǵany úshin, ári sapasyz qurylys materialdaryn paidalanyp, paidalaýǵa berý merzimin keshiktirgeni úshin de quqyq qorǵaý organdary tekseris júrgizetin bolady. Odan bólek, nemquraily qaraǵan merdigerdi qara tizimge engizý de qarastyrylýda.
Baqytjan Saǵyntaevtyń tapsyrmasy boiynsha Almatynyń Qala qurylysyn baqylaý basqarmasy qala keńistikterin retke keltirý merziminiń uzaryp, turǵyndardyń renishin týǵyzyp, jumysyna nemquraily qaraityn merdigerler tizimin jasady. Qazirgi ýaqytta tolyq tekserý júrgizilip, buzýshylardyń litsenziialary tartyp alynyp, olar týraly bar málimet qara tizimge engizilýde.
Qala ákimi atap ótkendei, qala óz mindetin adal, sapaly, ári ózine júktelgen mindetti merziminde atqaratyn merdigerlerdi qoldaidy. Óitkeni qala turǵyndardyń jailylyǵy ǵana emes, jalpy qoǵamdyq kóńil-kúi de osyǵan bailanysty.
Jumys sapary barysynda ákim Oqýshylar saraiy mańyndaǵy skverdi abattandyrý jumystarymen tanysty. Qala turǵyndarynyń qalaýy men sarapshylardyń qorytyndysy boiynsha jobaǵa túzetýler engizilgen bolatyn. Sonymen qatar, Baqytjan Saǵyntaev M. Áýezov teatry mańyndaǵy «Drýjba» skverin, sonymen qatar «Drýjba» saiabaǵyn abattandyrý men kógaldandyrý jumystarymen, Ǵ. Músirepov býlvaryn túrlendirý men Á.Qasteev murajaiy mańyndaǵy sý burqaqty qaita qalpyna keltirý jobalarymen tanysty.
Qala ákimi atalǵan obektiler qurylysynda paidalanylǵan granit plitkalar men bordiýr tastaryn qaita qoldanýdy tapsyrdy, óitkeni olar buzylmaǵan qalpy saqtalyp, áli kóp jyl qyzmet etetin bolady.
Oqýshylar saraiy, M. Áýezov teatry men Á.Qasteev atyndaǵy murajai mańyndaǵy aimaqtarǵa 10 jyldan astam jóndeý jumystary júrgizilmegen. Kóptegen ýchaskeler, M.Áýezov teatrynyń artqy jaǵyndaǵy amfiteatr ýaqyt óte ydyrap ketken. Jaiaý júrginshi joly, oryndyqtar jaramsyz qalge kelgen, jaryq joq jáne sýburqaq jumys istemeidi. Mysalǵa, Á.Qasteev murajaiy mańyndaǵy sýburqaq ótken ǵasyrdyń 70-shi jyldary salynǵan, odan beri jóndeýden ótpegen.
Joba avtorlarymen talqylaý barysynda qala ákimi Oqýshylar saraiy, M.Áýezov atyndaǵy teatr, Á.Qasteev atyndaǵy murajai syndy belgili obektilerde avtordyń arhitektýralyq túpki oiyn saqtap qalý kerektigine nazar aýdardy. Nátijesinde, skverlerdi abattandyrý men jaiaý júrginshi aimaqtary jańa tynys alyp, qalalyqtardyń tartylys núktesi bolýy qajet. Bul qalanyń mádeniet obektilerine baratyndardyń sanyn arttyrady.
Almaty ákimi Baqytjan Saǵyntaevtyń tapsyrmasy boiynsha jobalardy túzetýde barlyq qalalyqtar úshin qoǵamdyq keńistikterdiń ekologiialyǵyna, tartymdylyǵyna jáne qol jetimdiligine jete mán beriletin bolady.
