Mádeniet jáne sport vitse-ministri Nurǵisa Dáýeshov redaktsiia saýalyna joldaǵan jaýabynda kinoǵa bólingen qarajat qalai igeriletinin túsindirdi, dep habarlaidy QazAqparat.
Jyl saiyn kinoǵa dep bólinetin qarajatty qandai kompaniialar men uiymdar igerip jatyr? Kinoǵa bólingen qarajatty igerýshiler qalai irikteledi? Redaktsiia saýalynda osy suraqtar qoiylǵan bolatyn. Ministr orynbasarynyń aitýynsha, 2019 jyly qabyldanǵan zań burynǵy júieni birshama ózgertken.
«2019 jyldyń 3 qańtarynda «Kinematografiia týraly» QR Zańynynyń talaptaryna sáikes, básekege qabiletti kinoónim shyǵarý jáne memlekettik qarjylandyrýdyń ashyqtyǵyn qamtamasyz etý maqsatynda, kinojobalardy irikteý birneshe kezeńderden turatyn ashyq konkýrstar ótkizý arqyly júzege asyrylady.
Bul rette, kinojobalardy qarjylandyrý týraly sheshimdi ýákiletti organ Saraptama keńesiniń oń qorytyndysy jáne Ulttyq filmderdi memlekettik qarjylyq qoldaý máseleleri jónindegi vedomstvoaralyq komissiianyń usynymy negizinde qabyldaidy», - deidi vedomstvo ókili.
Vitse-ministrdiń sózinshe, qarjy negizinen bir kózden satyp alý qaǵidaty arqyly bólinedi. Biraq ol úshin Ulttyq kinony qoldaý memlekettik ortalyǵy ashyq konkýrs jariialaý arqyly joǵaryda atalǵan keńes pen vedomstvoaralyq komissiianyń qaraýyna kinojobalardy jinaqtap engizýi kerek.
«Kinojobalardy qarjylandyrý 2019 jyldyń 3 qańtarynda qabyldanǵan «Kinematografiia týraly» Qazaqstan Respýblikasy Zańynynyń aiasynda jáne memlekettik satyp alý portaly arqyly «Memlekettik satyp alý týraly» Zańynyń satyp alynatyn taýarlarǵa, kórsetiletin qyzmetterge qatysty airyqsha quqyqtarǵa ie tulǵadan ziiatkerlik menshik obektileri bolyp tabylatyn taýarlardy, kórsetiletin qyzmetterdi satyp alý týraly 39-baby 3-tarmaǵy 3) tarmaqshasyna sáikes, bir kózden alý arqyly igeriledi», - delingen jaýapta.
