«Kinematografiia týraly» zańǵa túzetýler men ózgertýler engizý qajet. Bul týraly «Ulttyq kinony qoldaý memlekettik ortalyǵy» KeAQ basqarma tóraǵasy Esetjan Qosybaev aitty, dep habarlaidy QazAqparat.
«Májilismendermen jáne senatorlarmen kezdesýge daiyndalyp jatyrmyz. Onda osy zańǵa («Kinematografiia týraly» zań) qatysty eń ózekti ári mańyzdy suraqtardy talqylaityn bolamyz. Qazirgi ýaqytta qyzý talqyǵa túsken zańdy dál osy kúiinde keri qaitaryp alý kerek dep sanaimyz. Ony qyrkúiekte Májilistiń jańa sessiiasyna engizý úshin pysyqtap, ózgertý qajet. Zańda talqylaýdy ári retteýdi qajet etetin kóptegen másele basy ashyq kúiinde qalyp otyr», - dedi ortalyq basshysy.
Onyń atap ótýinshe, memlekettik organdar men kinematografister qoǵamdastyǵyn jalpy úilestirýge qatysty másele de ótkir tur.
«Qoǵamdyq uiymdarymyz, Kinematografister odaǵy men Kinematografiia akademiiasy búginde bárin tolǵandyryp júrgen máselelerdi aityp júr. Men olardy tolyqtai qoldaimyn. Óitkeni, olar kinematografiia qaýymdastyǵynyń basym bóliginiń pikirin bildiredi. Árine, zańgerlerge de jumys kóp. Biraq, tyń kózqarasty sarapshylardy da shaqyrýǵa bolady. Zańshyǵarmashylyqta tiimdi nátijege qol jetkizý úshin kinematografisterdiń búkil talabyna múmkindiginshe jaýap beretin, barlyq ózekti syn-tegeýrindi kórsetetin jańa zań jasaýǵa bar kúsh-jigerdi shoǵyrlandyrý kerek», - dedi ol.
