Soltústik Koreia basshysy Kim Chen Yn alǵash ret Qytaiǵa saparlap bardy, dep habarlady óz derekkózderine siltegen Bloomberg agenttigi. Biraq aqparat ázirge resmi túrde rastala qoiǵan joq.
Buǵan deiin japoniialyq jáne qytailyq BAQ Kim Chen Ynnyń Qytaiǵa baratynyn habarlaǵan edi. BAQ-tyń málimetinshe, Soltústik Koreia basshysy Qytaiǵa poiyzben bardy. Kim Chen Yn 2011 jyly Soltústik Koreia basshysy bolǵannan beri shetelge birinshi ret saparlap otyr. Kim Chen Ynda Qytaida qansha kún bolatyny jáne kimmen kezdesetini ázirge belgisiz.
Naýryzdyń basynda AQSh prezidenti Donald Tramp Kim Chen Ynmen kezdesýge daiyn ekenin málimdegen. Keibir aqparat boiynsha, eki el basshylary aldaǵy eki ai ishinde kezdesýi múmkin.
