Mádeniet jáne aqparat ministri Aida Balaeva kiiz úide jartylai jalańash bilegen qyzdardyń videosyna qatysty pikir bildirdi, dep habarlaidy "Ult aqparat".
Atalmysh videoǵa qatysty mádeniet jáne aqparat ministri Aida Balaeva pikir bildirip, áleýmettik jelidegi paraqshasynda jazba jariialady.
"Mádeniet jáne aqparat ministri retinde kiiz úide bi bilep, beiádep áreketimen qoǵam nazaryn aýdartqan beinerolik týraly aitqym keledi. Mundai kontent qoǵamda alaýyzdyq týdyrýy múmkin. Arandatýshylyqqa da uryndyrýy yqtimal. Árine, óskeleń urpaq tárbiesine keri áserin tigizedi. Videonyń mazmuny qazaq halqynyń qundylyqtary men salt-dástúrlerine qaishy keledi", – delingen jazbada.
Sondai-aq ministr media salasynda júrgenderdi kontent jasaýda muqiiat bolýǵa shaqyrdy. Ministrdiń aitýynsha, kez kelgen shyǵarmashylyq jumysta ulttyq salt-dástúr men qundylyqtardy qurmetteýge basymdyq tanytý kerek.
Buǵan deiin jelide kiiz úide jartylai jalańash bilegen jastardyń videosy taraǵan bolatyn. Negativ pikirlerdiń kóptiginen videonyń bas bishisi Instagram akkaýntyn jaýyp tastaǵan.
