QR Ekologiia, geologiia jáne tabiǵi resýrstar ministrligi el boiynsha «Kiik» aktsiiasy bastalǵanyn jariialap, brakonerlerge 10 jylǵa deiin bas bostandyǵynan aiyrý jazasy qarastyrylǵanyn eske saldy, dep habarlaidy QazAqparat.
Reid barysynda kiikterdi zańsyz aýlaý faktilerin anyqtaý jáne aldyn alý boiynsha jumystar júrgiziledi.
Tabiǵatty qorǵaýǵa baǵyttalǵan keń aýqymdy aktsiia jylyna eki ret ótkiziledi – kiikterdiń kúileý kezeńinde, iaǵni 1 jeltoqsannan 31 jeltoqsanǵa deiin jáne olardyń tóldeý kezeńinde – 15 sáýir-15 mamyr aralyǵynda.
«Kiik aktsiiasyna «Ohotzooprom» ÓB» RMQK-nyń 224 inspektory, sonymen qatar QR EGTRM Orman sharýashylyǵy jáne janýarlar dúniesi komitetiniń aýmaqtyq bólimsheleri men quqyq qorǵaý organdary qyzmetkerlerinen turatyn mobildi toptar qatysady.
Eske salaiyq, kiikterdi zańsyz aýlaý, satyp alý, saqtaý, ótkizý, tasymaldaý úshin múlki tárkilenip, 3 jyldan 10 jylǵa deiin bas bostandyǵynan aiyrylý jazasy qarastyrylǵan», - delingen ministrlik habarlamasynda.
