Aqmola oblysynda «Ohotzooprom «ÓB» RMQK Ortalyq óńirlik filialynyń inspektorlaryna shabýyl áreketi boiynsha QR QK 99 babynyń 1 bóligi negizinde qylmystyq is qozǵaldy, dep habarlaidy "Ult aqparat" oblystyq PD baspasóz qyzmetine silteme jasap.
«Qazirgi kezde arnaiy qurylǵan jedel-tergeý toby kúdiktilerdi ustaý boiynsha keshendi sharalar júrgizýde. Kúdiktilerdi ustaýǵa Jarqaiyń, Esil jáne Jaqsy aýdandarynyń politsiia bóliminiń jeke quramy tartyldy. Patrýldik qyzmet nariadynan kúdiktilerdiń kóligine tuspaldaý berildi. Jarqaiyń jáne kórshi aýdandardyń aýmaǵynda 10 blok beket qoiyldy», deidi vedomstvo ókilderi.
Aita keteiik, osyǵan deiin habarlaǵanymyzdai, 23 shildede shamamen saǵat 11.00-de «Ohotzooprom «ÓB» RMQK Ortalyq óńirlik filialynyń inspektorlary Aqmola oblysy Jarqaiyń aýdanynda tabiǵatty qorǵaý zańnamasyn buzǵandardyń aldyn alý sharasyn júrgizgen jáne kiik atý faktisin anyqtaǵan. Zań buzýshylardyń izine túsken eki inspektorǵa qarsy oq atylǵan. Sonyń saldarynan 1976 jylǵy inspektor kóz jumsa, 1975 jylǵy áriptesi jaralanyp, Jarqaiyń aýdandyq aýrhanaǵa jatqyzyldy.
«Jedel-izdestirý sharasy odan ári jalǵasýda», dep tolyqtyrdy Aqmola oblystyq PD baspasóz qyzmetindegiler.
Búgin Memleket basshysy Qasym-Jomart Toqaev osy oqiǵaǵa bailanysty brakonerlerdiń qolynan qaza tapqan azamattyń otbasyna kóńil aitty.
Al QR Ekologiia, geologiia jáne tabiǵi resýrstar ministri Maǵzum Myrzaǵaliev brakonerler qolynan mert bolǵan inspektordyń otbasyna kóńil aityp, onyń otbasyna barlyq qajetti kómektiń kórsetiletindigin jetkizdi.
