Foto: ashyq derekkóz
Batys Qazaqstan oblysynda QR Ekologiia jáne tabiǵi resýrstar ministri Erlan Nysanbaev óńirdiń fermerlik sharýashylyqtarymen kezdesip, kiikterdiń aýyl sharýashylyǵyna tigizgen zalaldary týraly ótinishterdi tyńdady, dep habarlaidy Ult.kz.
Fermerlerdiń aitýynsha, kiikterdiń sany kúrt artyp, egistikter men jaiylymdardy taptap, agrarlyq qyzmetke eleýli ziian keltirip otyr. Jekelegen aýdandardaǵy shyǵyn júzdegen million teńgege jetip, bul aimaqtyń azyq-túlik qaýipsizdigine qaýip tóndirýde.
Kezdesýde «Jebe» sharýa qojalyǵynyń basshysy Qairat Zýlkashev máseleniń kúrdeli ekenin atap ótip, sharýashylyqtardyń ómir súrýine qaýip tónip turǵanyn jetkizdi. «ECO Club» JShS direktory Bekjan Sabanov naqty sharalar qabyldaýdyń mańyzdylyǵyn aita kele, álemde jabaiy janýarlar popýliatsiiasyn retteý tájiribesin mysalǵa keltirdi.
Biologiia ǵylymdarynyń doktory Áljan Shámshidinniń aitýynsha, janýarlardyń tyǵyz popýliatsiiasy ekojúiege keri áserin tigizip, janýarlar men adamdarǵa da ziian keltirýi múmkin. Onyń pikirinshe, ǵylymi negizdelgen basqarý ádisterin qoldaný arqyly kiik popýliatsiiasyn retteý qajet.
2025 jylǵy derekter boiynsha, Qazaqstanda kiik sany 3,9 million basqa jetti, bul 1974 jylǵy kórsetkishten úsh ese kóp. Tek Batys Qazaqstan oblysynda kiikter sany 2,3 millionnan asty.
Ministr Erlan Nysanbaev fermerlerdiń usynystary men halyqaralyq tájiribege súiene otyryp, kiik sanyn retteý týraly sheshim qabyldady. Bul sheshim ǵylymi negizderge, QR Ǵylym jáne joǵary bilim ministrliginiń Zoologiia institýtynyń zertteýlerine jáne basqa elderdiń tájiribesine negizdeldi.
Kiik popýliatsiiasyn retteý «Ohotzooprom» kásipornynyń kúshimen júzege asyrylady. Barlyq sharalar halyqaralyq tabiǵat qorǵaý kelisimderine jáne ekologiialyq zańnamaǵa sáikes júrgizilmek. Sonymen qatar, zardap shekken óńirlerde epizootiialyq monitoring pen qosymsha veterinariialyq talaptardy saqtaý qamtamasyz etiledi.
Aita keteiik, Memleket basshysy Qytai úkimetine 1500 kiik berý týraly sheshim qabyldaǵanyn jazǵanbyz.
